రాజీవ్ పార్క్ అభివృద్ధి పనుల పర్యటన…

రాజీవ్ పార్కులో జరుగుతున్న అభివృద్ధి పనులను సంబంధిత అధికారులతో కలిసి పర్యటించి గ్రీనరీ ఏర్పాటు పనులను పరిశీలించిన కార్పొరేటర్ జెరిపోతుల ప్రభుదాస్.

కాప్రా నేటిధాత్రి

మీర్పేట్ హెచ్ బీ కాలనీ డివిజన్ పరిధిలోని రాజీవ్ పార్కులో జరుగుతున్న అభివృద్ధి పనులను సంబంధిత అధికారులతో కలిసి పర్యటించి గ్రీనరీ ఏర్పాటు పనులను పరిశీలించిన స్థానిక కార్పొరేటర్ జెరిపోతుల ప్రభుదాస్. ఈ సందర్భంగా కార్పొరేటర్ మాట్లాడుతు వీలైనంత త్వరలో పార్కుల నిర్మాణాలను పూర్తిచేసి ప్రజలకు అందుబాటులోకి తీసుకువస్తామని, పనుల్లో నాణ్యత విషయంలో రాజీ పడకుండా, నాణ్యమైన నిర్మాణాలను చేపట్టి.. పదికాలాల పాటు ప్రజలకు ఉపయోగపడేలా చర్యలు చేసుకున్నామని అన్నారు. ఇటీవలే ఈ పార్కులో పాడైనటువంటి జిమ్ పరికరాల స్థానంలో ఓపెన్ జిమ్ ఏర్పాటు చేయడం జరిగిందని, చెట్ల చుట్టు కూడా ఉన్నటువంటి కొమ్మలు తొలగించి శుభ్రం చేయడం జరిగిందని, పూర్తి పచ్చదనం కళ్ళకు కనువిందుగా ఉండేలా చర్యలు చేపట్టామని, పార్కును పూర్తిగా అభివృద్ధి చేసి స్థానిక ప్రజలకు అన్ని సదుపాయాలతో అందుబాటులోకి తీసుకొస్తామని తెలిపారు. ఈ కార్యక్రమంలో డిప్యూటీ హార్టికల్చర్ అశోక్, సాయి కుమార్, పూస రమేష్, శేఖర్ గౌడ్ తదితరులు పాల్గొన్నారు.