ఓటీటీలో ప్రియాంక మూవీ… ఎప్పుడంటే…
సినిమా థియేటర్‌లు
గ్లోబల్ స్టార్ ప్రియాంక చోప్రా నటిస్తున్న అమెరికన్ యాక్షన్ కామెడీ మూవీ హెడ్స్ ఆఫ్ స్టేట్స్ ఓటీటీలో స్ట్రీమింగ్ కాబోతోంది.
ప్రముఖ నటి ప్రియాంక చోప్రా (Priyanka Chopra) ఇప్పుడు గోబ్లల్ స్టార్. తెలుగులో మహేశ్ బాబు (Mahesh Babu), రాజమౌళి (Rajamouli) పాన్ ఇండియా చిత్రంలో నటిస్తున్నా… ఆమె తనకు మంచి గుర్తింపు తెచ్చిపెట్టిన యాక్షన్ సినిమాలకూ దూరం కాలేదు. అయితే అవకాశం చిక్కితే తన చిత్రాలు, వెబ్ సీరిస్ ద్వారా వినోదాన్ని పంచడానికీ రెడీ అంటోంది. అలాంటి ఓ వినోదాత్మక చిత్రమే ‘హెడ్స్ ఆఫ్ స్టేట్’ (Heads of State).
సినిమా థియేటర్‌లు
గతంలో ‘బేవాచ్, క్వాంటికో, సిటాడెల్’ వంటి హాలీవుడ్ ప్రాజెక్ట్స్ చేసిన ప్రియాంక ఇప్పుడు యాక్షన్ కామెడీ మూవీ ‘హెడ్స్ ఆఫ్ స్టేట్’లో సీనియర్ ఎం.ఐ.6 ఏజెంట్ గా నటించింది. ఆమెతో పాటు జాన్ సీనా, ఇద్రిస్ ఎల్బా ఈ మూవీలో లీడ్ రోల్స్ చేశారు. అలానే జాక్ స్వాయిడ్, స్టీఫెన్ రూట్, కార్లా గుగినో, సారనైల్స్ కీలక పాత్రలు పోషించారు. జూలై 2న అమెజాన్ ప్రైమ్ లో స్ట్రీమింగ్ కాబోతున్న ఈ సినిమా ప్రమోషన్స్ లో ప్రియాంక పాల్గొంటోంది. అమెరికన్ ప్రెసిడెంట్ (జానా సీనా), బ్రిటన్ ప్రైమ్ మినిస్టర్ (ఇంద్రిస్) ఒకసారి విమానంలో ప్రయాణిస్తుంటారు. వీళ్ళిద్దరిపై శత్రువులు దాడి చేయడంతో వీరి విమానం ఓ ప్రదేశంలో లాండ్ అవుతుంది. అక్కడకూ చేరుకుని శత్రువులు వీరిని హతమార్చడానికి ప్రయత్నిస్తే సీనియర్ ఏజెంట్ నోయెల్ బిస్సిట్ (ప్రియాంక చోప్రా) వీరిని ఎలా కాపాడిందనేదే ఈ మూవీ మెయిన్ థీమ్. ఇప్పటికే విడుదలైన ఈ సినిమా ట్రైలర్ వీక్షకులలో ఆసక్తిని రేకెత్తిస్తోంది. మరి జూలై 2న స్ట్రీమింగ్ అయ్యే ‘హెడ్స్ ఆఫ్ స్టేట్’ ఏ తీరిన ఆకట్టుకుంటుందో చూడాలి.
