– వేలం వేసిన నాలుగురిపై కేసు నమోదు
– 20,000/- రూపాయలు, ఒప్పంద పత్రం స్వాధీనం
– గ్రామాల్లో గ్రామాల అభివృద్ధి పేరిట నిబంధనలకు విరుద్ధంగా వేలంపాటలు నిర్వహిస్తే చట్టరీత్య చర్యలు
– సిరిసిల్ల డిఎస్పీ చంద్రశేఖర్ రెడ్డి
సిరిసిల్ల (నేటి ధాత్రి ):
ఈ సందర్భంగా డిఎస్పీ మాట్లాడుతూ…
రాజన్న సిరిసిల్ల జిల్లా
తంగళ్ళపల్లి మండలంలోని రాళ్లపేట గ్రామస్తులైన మాజీ సర్పంచ్ బాలసాని పరశురాం, బొద్దుల పరుశురాం, గౌర అంజయ్య , సోమ ఎల్లయ్య అనే వ్యక్తులు గ్రామంలో మద్యం అమ్మడానికి బెల్ట్ షాప్ నిర్వహణకు వేలంపాట నిర్వహించగా గణాది శ్రీకాంత్ ను బెల్ట్ షాపు నడుపుకొమ్మని అందుకు 66,500/- రూపాయలు డబ్బులు డిమాండ్ చేయగా,శ్రీకాంత్ ని బెదిరించి అతని వద్ద 33,000/- రూపాయలు పెద్ద మనుషులు తీసుకొనీ మిగతావి ఇవ్వాలని, గ్రామంలో గణాది శ్రీకాంత్ తప్ప మిగిలిన ఎవ్వరు బెల్ట్ షాప్ నిర్వహించిన వారికి 50 వేల జరిమానా విధిస్తామని హుకుం జారీ చేసిన బాలసాని పరశురాం, బొద్దుల పరుశురాం, గౌర అంజయ్య , సోమ ఎల్లయ్య లపై కేసు నమోదు చేసి పై ముగ్గురిని సిరిసిల్ల మెజిస్ట్రేట్ గారి వద్దకు రిమాండ్ పై పంపించనైనది.సోమయ్య పరారీలో ఉన్నాడు.
గ్రామాల్లో గ్రామాల అభివృద్ధి పేరిట నిబంధనలకు విరుద్ధంగా, చట్టవ్యతిరేకంగా వేలంపాటలు నిర్వహిస్తే చట్టరీత్య చర్యలు తీసుకోవడం జరుగుతుందని, అలాంటి ప్రజల దృష్టికి వస్తే పోలీస్ వారికి సమాచారం అందించాలని చట్టపరమైన చర్యలు తీసుకోవడం జరుగుతుందన్నారు.
