మందమర్రి, నేటిధాత్రి:-
బహుజన సాహితి అకాడమీ ఆద్వర్యంలో నిర్వహించిన కార్యక్రమంలో పట్టణ వాస్తవ్యుడు, సింగరేణి ఎస్ అండ్ పిసి సీనియర్ ఇన్స్పెక్టర్ సుంకరి రమేష్ కు డాక్టర్ బిఆర్ అంబేద్కర్ జాతీయ అవార్డును అందజేశారు. తిరుపతిలో అకాడమీ ఆద్వర్యంలో నిర్వహించిన కార్యక్రమంలో అకాడమీ జాతీయ అధ్యక్షుడు నల్ల రాధాకృష్ణ చేతుల మీదుగా రమేష్ కు అవార్డును అందజేసి, శాలువాతో ఘనంగా సన్మానించారు. రమేష్ కు జాతీయ స్థాయి అవార్డు లభించడం పట్ల రమేష్ కుటుంబీకులు, బంధుమిత్రులు, సన్నిహితులు, ఆనందం వ్యక్తం చేస్తూ, రమేష్ కు అభినందనలు తెలియజేశారు.
