రాష్ట్ర కమిటీ సభ్యులు అచ్చునూరి కిషన్
హైదరాబాద్ లోని; శోభా గెస్ట్ హౌస్’లో నిర్వహించిన ఎమ్మెల్సీ తీన్మార్ మల్లన్న విజయోత్సవ ఆత్మీయ సన్మాన సభ కార్యక్రమానికి అచ్చునూరి కిషన్ ఆధ్వర్యంలో ములుగు జిల్లా నుంచి టీమ్ సభ్యులు వెళ్లి ముందుగా తీన్మార్ మల్లన్న’ని మర్యాదపూర్వకంగా కలిసి శాలువాతో సన్మానించి హార్థిక శుభాకాంక్షలు తెలిపారు.
ఈ సందర్భంగా తీన్మార్ మల్లన్న టీమ్ సభ్యులకు ధన్యవాదాలు తెలుపుతూ.. ములుగు జిల్లాలో సామాన్య ప్రజలకు అండగా నిలిచి వారికి భరోసానిచ్చే నిర్ణయాలు తీసుకోవాల్సిందిగా తెలియజేశారు.
మీకు ఎలాంటి ఇబ్బందులూ వచ్చిన మీకు నేను అండగా ఉంటానని భరోసానిచ్చారు. ఈరోజు ఎమ్మెల్సీ గెలుపు అనేది టీమ్ సభ్యులైన మీ అందరి కృషినే అని కొనియాడారు.
తదనంతరం ఎమ్మెల్సీ తీన్మార్ మల్లన్న గెలుపు కోసం, ఎమ్మెల్సీ ఎన్నికల్లో ములుగు జిల్లా ఇంఛార్జీ’గా క్రియాశీల పాత్ర వహించి ములుగు జిల్లా నుంచి అత్యధికంగా ఓటింగ్ శాతాన్ని తీసుకురావడంలో అహర్నిశలు కృషి చేసిన రాష్ట్ర కమిటీ సభ్యులు అచ్చునూరి కిషన్’ని ఎమ్మెల్సీ తీన్మార్ మల్లన్న శాలువా’తో సన్మానించి, జ్ణాపికను అందజేశారు.
ఈ కార్యక్రమంలో మార్తా శ్రీనివాస్, బొల్లె రమేష్, ముత్తెబోయిన ప్రసాద్, దురశెట్టి విజయ్ కుమార్, సిపతి రాజు, బండి వంశీ కృష్ణ, స్వామి, మోహన్ దాస్, జిల్లా, మండల టీమ్ సభ్యులు, తదితరులు పాల్గొన్నారు.
