రాష్ట్రస్థాయి హాకీ పోటీలకు మైనార్టీ విద్యార్థులు ఎంపిక

తొర్రూరు (డివిజన్) నేటి ధాత్రి

స్కూల్ గేమ్స్ ఫెడరేషన్ ఆఫ్ ఇండియా అండర్-17 గర్ల్స్ 68వ రాష్ట్రస్థాయి హాకి పోటీలకు మండల కేంద్రంలో ఉన్న తెలంగాణ మైనార్టీ గురుకుల పాఠశాల మరియు కళాశాల విద్యార్థినిలు ఎంపిక అయినట్లు ప్రిన్సిపల్ పి.శైలజ తెలిపారు. శనివారం ఆమె మాట్లాడుతూ 10వ తరగతి విద్యార్థినిలు ఎ.సంజన,బి.రేవతి, ఎన్.శ్రావిక, మేఘన, మానస,9వ తరగతి విద్యార్థిని బి.సుస్మిత లు ఎంపికైనట్లు తెలిపారు. ఈ పోటీలు ఈనెల 11 నుండి 13 వరకు నిజామాబాదులో జరిగే రాష్ట్రస్థాయి పోటీలలో పాల్గొనన్నట్లు తెలిపారు. రాష్ట్రస్థాయి హాకీ పోటీలకు మా పాఠశాల విద్యార్థినిలు ఎంపిక కావడం సంతోషంగా ఉందన్నారు.ఈ సందర్భంగా కళాశాల పిడి ఉమ, పాఠశాల పిఈటి కళ్యాణి, ఉపాధ్యాయులు రాష్ట్రస్థాయి పోటీలకు ఎంపికైన విద్యార్థినులను అభినందించారు.