గురుకుల్ సెట్లో లిటిల్ ఫ్లవర్ స్కూల్ విద్యార్థుల ప్రభంజనం
35 మందిలో 29 మంది ఫస్ట్ లిస్టులో ఎంపిక
దుగ్గొండి,నేటిధాత్రి:
దుగ్గొండి మండలంలోని రేకంపల్లి గ్రామంలో గల లిటిల్ ఫ్లవర్ స్కూల్ విద్యార్థులు తెలంగాణ గురుకుల్ సెట్ పరీక్షలో విశేష ఫలితాలు సాధించారు. గత నెల ఫిబ్రవరి 22న నిర్వహించిన గురుకుల సెట్ పరీక్షకు పాఠశాలకు చెందిన 4వ తరగతి 35 మంది విద్యార్థులు హాజరుకాగా, అందులో 29 మంది ఫస్ట్ లిస్టులో ఎంపిక కావడం విశేషం.
ఈ సందర్భంగా లిటిల్ ఫ్లవర్ స్కూల్ కరస్పాండెంట్ గట్టి కొప్పుల విజేందర్ విద్యార్థులను అభినందించారు. నిరుపేద విద్యార్థులకు మంచి భవిష్యత్తును అందిస్తున్న ఏకైక పాఠశాల లిటిల్ ఫ్లవర్ స్కూల్ అని ఆయన తెలిపారు. గత 17 సంవత్సరాలుగా ఎంతో కష్టపడి పేద పిల్లలకు విద్యా దారి చూపిస్తున్నామని అన్నారు.విద్యార్థులు కష్టపడి ఉన్నత చదువులు చదివి తల్లిదండ్రుల ఆశయాలను, తమకు విద్య నేర్పిన గురువుల ఆశయాలను నిలబెట్టాలని సూచించారు. అలాగే పిల్లల భవిష్యత్తు కోసం లిటిల్ ఫ్లవర్ యాజమాన్యం ఎల్లప్పుడూ సేవ చేస్తూనే ఉంటుందని తెలిపారు.ఈ విజయానికి పాఠశాల ఉపాధ్యాయులు జి. అనిత, జి. రాధిక, ఎన్. సుప్రజా, ఎస్. విష్ణు, బి. సుధాకర్, డి. జీవన్, మను కృష్ణలు విశేషంగా కృషి చేశారని తెలుపుతూ వారిని అభినందించారు.