హర్షం ప్రకటించిన దళిత సంఘాలు.
భద్రాచలం నేటి ధాత్రి
భద్రాచలంలో డాక్టర్ బి.ఆర్ అంబేద్కర్ నూతన విగ్రహ ఏర్పాటుకు కృషి చేస్తానని హామీ ఇచ్చిన ఎమ్మెల్యే తెల్లం వెంకట్రావుకు దళిత సంఘాలు హర్షం ప్రకటించాయి.
స్థానిక అంబేద్కర్ సెంటర్ నందు మహనీయుల జయంతి ఉత్సవ కమిటీ ఆధ్వర్యంలో నిర్వహించిన బాబు జగ్జీవన్ రామ్ జయంతి కార్యక్రమానికి ముఖ్యఅతిథిగా పాల్గొన్న భద్రాచలం శాసనసభ్యులు తెల్లం వెంకట్రావు, డాక్టర్ బి.ఆర్ అంబేద్కర్ విగ్రహం శిధిలావస్థకు చేరిందని, విగ్రహం ఎక్కడ పట్టుకున్న పెచ్చులు పెచ్చులుగా ఊడిపోతూ, చెయ్యి భాగం విరిగిపోయి ఉండడం తనను కలసి వేసిందని ,మనోవేదనకు గురి చేసిందని అన్నారు. శాసనసభ్యుడిగా నా వంతు బాధ్యతగా అతి త్వరలోనే భారత రాజ్యాంగ నిర్మాత, భారతరత్న,డాక్టర్ బి.ఆర్ అంబేద్కర్ నూతన విగ్రహాన్ని ఏర్పాటు జరుగుతుందని తెలిపారు. భద్రాచలం ప్రజల తరఫున, దళిత సమాజం పక్షాన ఎమ్మెల్యే తెల్లం వెంకట్రావుకు ప్రత్యేక కృతజ్ఞతలు తెలియజేయడం జరుగుతుందని మహనీయుల జయంతి ఉత్సవ కమిటీ నిర్వాహకులు, దళిత సంఘాల నాయకులు ముద్దా పిచ్చయ్య, అలవాల రాజా పెరియార్, గురజాల వెంకటేశ్వర్లు, ఏవి రావు, కొమ్మగిరి వెంకటేశ్వర్లు,గడ్డం సుధాకరరావు, ఇసంపల్లి ముత్యం తెలిపారు.
