గణపురం నేటి ధాత్రి
గణపురం మండల కేంద్రంలోని కాకతీయుల కళాక్షేత్రం శ్రీ భవాని సహిత గణపేశ్వరాలయం కోటగుళ్ళ కు భూపాలపల్లికి చెందిన సింగరేణి ఉద్యోగి తిప్పర్తి లత, భాస్కర్ రెడ్డి దంపతులు రూ.40 వేల తో వంట పాత్రలను బహుకరించారు. ఈ సందర్భంగా లత భాస్కర్ రెడ్డి దంపతులు స్వామి వారికి ప్రత్యేక పూజలు నిర్వహించారు.అనంతరం అర్చకులు గంగాధర్ వారికి ఆశీర్వచనాలు తీర్థ ప్రసాదాలను అందజేశారు. ఆలయానికి వంట పాత్రలు బహుకరించిన దంపతులకు కోటగుళ్లు పరిరక్షణ కమిటీ ప్రత్యేక కృతజ్ఞతలు తెలిపింది.
