చిట్యాల, నేటిధాత్రి :
జాతీయ సైన్స్ దినోత్సవాన్ని పురస్కరించుకొని జిల్లా స్థాయిలో జడ్.పి.హెచ్.ఎస్ భూపాలపల్లి లో నిర్వహించిన కవితా పోటీలో జెడ్పిహెచ్ఎస్ చిట్యాల కు చెందిన విద్యార్థి ఓ. చిరంజీవి తొమ్మిదవ తరగతి జిల్లాస్థాయిలో ప్రథమ స్థానం పొంది రాష్ట్రస్థాయికి ఎంపికయ్యాడు.ఈ సందర్భంగా జడ్పిహెచ్ఎస్ చిట్యాల పాఠశాలలో నిర్వహించిన సమావేశంలో విద్యార్థి ప్రతిభను ఎంఈఓ కోడెపాక రఘుపతి మరియు ఎఫ్ ఎల్ ఎన్ మండల నోడల్ అధికారి గిరగాని కృష్ణ అభినందించారు. ఈ సమావేశంలో ఉపాధ్యాయులు సుధాకర్, శ్రీరాం రఘుపతి, బొమ్మ రాజమౌళి, రాంనారాయణ, శంకర్ ,విజయలక్ష్మి, ఉస్మాన్ అలీ, సదయ్య ,నీలిమ ,కల్పన ,సరళ సుజాత ,బుజ్జమ్మ తదితరులు పాల్గొన్నారు.
