S. Mahipal
డబల్ బెడ్ రూమ్ ఇళ్ల తాళాలు ఇవ్వకుంటే లబ్ధిదారులే ఇళ్లల్లోకి వెళతారు…
జహీరాబాద్ నేటి ధాత్రి:
జహీరాబాద్ డబల్ బెడ్ రూమ్ ఇండ్ల తాళాలు అప్పగింతలో ఇంకా స్పష్టత ఇచ్చేందుకు అధికారులకు ఇన్ని రోజులు పట్టడం సరైనది కాదని, అభ్యంతరాలు స్వీకరించిన అనంతరం ఇస్తామన్న హామీని వారం రోజులైనా అధికారులు ఇంకా కాలయాపన చేయడం ఏంటని, తక్షణమే ఈ సమస్య పరిష్కారానికి పై అధికారులు చొరవ తీసుకుని వెంటనే తాళాలు అప్పజెప్పాలని సిపిఎం జహీరాబాద్ ఏరియా కమిటీ సభ్యులు ఎస్. మహిపాల్ కోరారు. ఈ విషయమై లబ్ధిదారులతో ఆర్డిఓ గారితో చర్చించిన సందర్భంగా మహిపాల్ మాట్లాడుతూ వెంటనే తాళాలు అప్పజెప్పాలని లేనిపక్షంలో ఆందోళన ఉదృతం చేస్తామని లేనిపక్షంలో లబ్ధిదారులే ఇళ్లలోకి వెళ్లే పరిస్థితి వస్తుందని ఆలోపు చర్యలు తీసుకోవాలని కోరారు. ఇప్పటికే అధికారులు రేపు మాపు అంటూ కాలయాపన చేయడం సరైనది కాదని పేదలు ఇబ్బందులకు గురివుతున్నారని అన్నారు. అతి త్వరలో నిర్ణయం చెబుతామని Rdo గారు చెప్పారు. ఈ కార్యక్రమంలో లబ్దిదారు శివకుమార్, మల్లేశం, బక్కన్న, సీపీఎం నాయకులు ముత్తబీర్ ఉన్నారు.
