ఈ అమ్మాయి ఇంత ఘోరం చేస్తుందని ఊహించలేదు..
పర్సు లాక్కోవడంతో చూస్తుండగానే..
ఓ మహిళ ఓ భవనంలో నుంచి బయటికి వెళ్తుంటుంది. అయితే ప్రధాన ద్వారం వద్ద కొంత మంది యువకులు అడ్డుగా నిలబడి ఉంటారు. ఆ యువతి దగ్గరికి రాగానే.. ఆమె చేతిలోని పర్సు లాక్కుని దూరంగా పడేశారు. ఆ తర్వాత ఆమెను లైంగికంగా వేధించే ప్రయత్నాలు చేస్తారు. అయితే..
ఒంటరి మహిళలపై నిత్యం అనేక రకాలుగా దాడులు జరగడం చూస్తున్నాం. శారీరకంగా కొందరు, మానసికంగా మరికొందరు వేధింపులకు గురి చేస్తున్నారు. ఇంకొందరు వారి పర్సులు, మెడలోని గొలుసులు లాక్కుని పారిపోవడం చూస్తున్నాం. దీంతో ఆత్మ రక్షణకు సంబంధించిన శిక్షణ తీసుకోవడం తప్పనిసరి అయింది. ఇలాంటి శిక్షణ తీసుకోవడం వల్ల మహిళలు తమని తాము రక్షించుకోవడానికి వీలుంటుంది. ఇలాంటి శిక్షణ ఎంత ఉపయోగపడుతుందో తెలిపేలా ఓ వీడియో ప్రస్తుతం సోషల్ మీడియాలో తెగ వైరల్ అవుతోంది. ఈ వీడియో చూసిన నెటిజన్లు.. ఈ అమ్మాయి ఇంత ఘోరం చేస్తుందని ఊహించలేదు.. అంటూ కామెంట్లు చేస్తున్నారు..
అక్కడున్న యువకులందరినీ (Woman Beat Up The Thieves) తన పవర్‌ఫుల్ పంచ్‌లతో కుమ్మేస్తుంది. దెబ్బకు వారంతా కిందపడిపోయి.. నొప్పితో కుయ్యో.. ముర్రో అనుకుంటూ పడిపోతారు. చివరకు దూరంగా పడిపోయిన పర్సును తిరిగి తెచ్చి ఆమెకు ఇచ్చేస్తారు. వెళ్తూ వెళ్తూ పర్సు ఇచ్చిన వ్యక్తికి కూడా ఫినిషింగ్ టచ్ ఇస్తుంది. ఇలా వారందరికీ తన పంచ్ దెబ్బ రుచి చూపించి తనని తాను రక్షించుకుంటుంది. ఈ ఘటన మొత్తం అక్కడే ఉన్న సీసీ కెమెరాలో రికార్డ్ అవుతుంది.
ఇదంతా అవగాహన కల్పించడానికి చేశారో.. రియల్‌గా జరిగిందో తెలీదు గానీ.. ఈ వీడియో మాత్రం నెట్టింట తెగ చక్కర్లు కొడుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘మొత్తానికి అందరికీ చుక్కలు చూపించిందిగా’.. అంటూ కొందరు, ‘అమ్మాయిలంతా ఇలా మారితే ఎంతో బాగుంటుంది’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 9,700కి పైగా లైక్‌లు, 7.14 లక్షలకు పైగా వ్యూస్‌ను సొంతం చేసుకుంది.
