చదువుల తల్లి గుల్లపల్లి అభినయ ఉన్నత చదువులకు ఆర్థిక సహాయం
కరీంనగర్ నేటిధాత్రి:
హెల్పింగ్ హాండ్స్(ఎన్ఆర్ఐ, యూఎస్ఏ) సహకారంతో రైజింగ్ సన్ యూత్ క్లబ్ ఆధ్వర్యంలో కరీంనగర్ జిల్లా రామడుగు మండలం కోక్కెరకుంట గ్రామానికి చెందిన గుల్లపల్లి అభినయ ఇంటర్మీడియట్ లో 984 మార్కులు సాధించిన సందర్భంగా ఇంజినీరింగ్ మొదటి విద్యా సంవత్సరానికి గాను పది వేల రూపాయలు ఆర్ధిక సహయం అందించామని యువజన అవార్డు గ్రహీత గజ్జెల అశోక్, రైజింగ్ సన్ యూత్ క్లబ్ అధ్యక్షులు ఒక ప్రకటనలో తెలిపారు. అదేవిధంగా ఇంజినీరింగ్ విద్యలో భాగంగా తర్వాత మూడు సంవత్సరాలకు గాను ప్రతి సంవత్సరం పదిహేను వేల రూపాయలు మొత్తంగా నాలుగు సంవత్సరాలకు గాను యాభై ఐదువేల రూపాయలు సహయం చేస్తామన్నారు. ఈకార్యక్రమంలో యువజన అవార్డు గ్రహీత గజ్జెల అశోక్, రిటైర్డ్ టీచర్ తౌటు కిషన్ రెడ్డి, బత్తిని అజయ్, జేరిపోతుల మహేష్, గజ్జెల నవీన్ కుమార్, ఎండి చోటే, తదితరులు పాల్గొన్నారు.
