పూర్వవిద్యార్థుల సమ్మేళనం కాదు అపూర్వవిద్యార్థుల సమ్మేళనం మాజీ ఎంపీ రావుల.

వనపర్తి నెటిధాత్రి :
రాణీ లక్ష్మీదేవమ్మ ప్రభుత్వ డిగ్రీ కళాశాల స్వర్ణోత్సవ ఉత్సవాలు వేలాదిమంది పూర్వవిద్యార్థులతో ఘనంగా నిర్వహించారు ఈ కార్యక్రమంలో ముఖ్యఅతిథిగా పాల్గొన్న మాజీ ఎం.పి రావుల. చంద్రశేఖర్ రెడ్డి పాల్గొని ప్రసంగించారు.ఆయన మాట్లాడుతూ 50 సంవత్సరాలు చదువుకున్న విద్యార్థులు ఒకచోట కలుసుకొని ఆత్మీయత, అనురాగలతో గత స్మృతులను నెమరువేసుకుంటూ ఈ ప్రాంగణం కోలాహలంగా ఉంది అని పూర్వ విద్యార్థుల సమ్మేళనం కాదని అపూర్వ సమ్మేళనం అని రావుల అన్నారు ఈ సమావేశంలో పాల్గొని మిమ్మలని కలుసుకోవడం ఆనందంగా ఉందని రావుల అన్నారు.
నాతో పాటు మాజీ ఎం.ఎల్. ఎలు జయారాములు,డాక్టర్.కిష్టయ్యా,చిన్నారెడ్డి,నిరంజన్ రెడ్డిలు రాజకీయాలకు అతీతంగా అభివృద్ధి చేశామని అదేవిధంగా నేటి పాలకులు కూడా అభివృద్ధి చేయాలని కాంక్షించారు. ఇక్కడికి వచ్చిన మీరంతా మంచి మధుర స్మృతులతో తిరిగి వెళ్లాలని అన్నారు.న్యాయవాద వృత్తిలో ఉంటూ డిగ్రీ కళాశాలలో అధ్యాపకునిగా పనిచేసిన దినాలు గుర్తుకు వస్తున్నాయని అన్నారు.ఈ సందర్భంగా పలువురు పూర్వ విద్యార్థులు ఆర్.డి.ఓ లక్ష్మినారాయణ, చీర్ల.శ్రీనివాసులు,గులాం హుస్సేన్,జయంతి,బి.ఎల్. ఎన్ మూర్తి కార్యక్రమ నిర్వాహకులుజి.శ్రీనివాసులు, అర్యభవన్.శ్రీనివాస్ రెడ్డి ని ఘనంగా సన్మానించారు.రావుల వెంట వాకిటి.శ్రీధర్, నందిమల్ల.అశోక్ ఉన్నారు.