1979-80పూర్వ విద్యార్థులు
మందమర్రి, నేటిధాత్రి:-
పట్టణంలో జాతీయ రహదారి నిర్మాణంలో పాత బస్టాండ్ లో ఉన్న పంచర్ షాప్ తొలగించడంతో ఉపాధి కోల్పోయిన మిత్రునికి అండగా పూర్వ విద్యార్థులు నిలిచారు. పట్టణంలోని ఒర్రెగడ్డ్ ప్రభుత్వ ఉన్నత పాఠశాల 1979-80 ఎస్ఎస్సి బ్యాచ్ కి చెందిన పూర్వ విద్యార్థులు వారి మిత్రుడైన సర్దార్ సుర్జీత్ సింగ్ కు 25వేల రూపాయలతో షాపు కొనుగోలు చేసి ఇవ్వడంతో పాటు సామాగ్రి కొనుగొలు కొరకు 25 రూపాయలు ఆర్థిక సహాయాన్ని సోమవారం సుర్జీత్ సింగ్ కు అందజేశారు. అనంతరం వారు మాట్లాడుతూ, మంగళవారం ఎం కన్వెన్షన్ హాల్లో నిర్వహించు పూర్వ విద్యార్థుల ద్వితీయ ఆత్మీయ సమ్మేళనానికి పూర్వ విద్యార్థులు సకాలంలో హాజరై, విజయవంతం చేయాలని కోరారు. ఈ కార్యక్రమంలో పూర్వ విద్యార్థులు ఏ రాజయ్య, ఎల్ చంద్రమౌళి, టి శ్రీవాణి, సముద్రాల శంకర్, ఎం కాంతారావు, ఎన్ నాగరాజు, పి వెంకటస్వామి, బి వెంకటేశ్వరరావు తదితరులు పాల్గొన్నారు.
