అర్హత గల ప్రతీ ఒక్కరూ ఓటు నమోదు చేసుకోవాలి.

# జిల్లా స్వీట్ నోడల్ అధికారి భాగ్యలక్ష్మి

నర్సంపేట,నేటిధాత్రి :

18 నిండి ఓటు హక్కుకు అర్హత గల ప్రతీ ఒక్కరూ ఓటు నమోదు చేసుకోవాలని జిల్లా స్వీట్ నోడల్ అధికారి భాగ్యలక్ష్మి తెలిపారు. నర్సంపేట పట్టణంలోని ప్రభుత్వ జూనియర్ కళాశాలలో ప్రత్యేక ఓటరు నమోదు కార్యక్రమాన్ని నిర్వహించారు. ఈ నేపథ్యంలో జిల్లా స్వీట్ నోడల్ అధికారి స్థానిక ఆర్డిఓ ఉమారాణితో కలిసి పరిశీలించారు. ఈ సందర్భంగా వారు మాట్లాడుతూ ప్రతి పోలింగ్ బూత్ లలో బూత్ లెవల్ అధికారులు అందుబాటులో ఉంటారని,18 సంవత్సరాలు పూర్తి అయిన యువతి యువకులు ఓటు నమోదు చేయుటకు క్యాంపస్ అంబాసిడర్లను ఏర్పాటు చేసి అధిక శాతం ఓటరు నమోదు చేసుకొనుటకు ఫారం 6 అందుబాటులో ఉంటుందని పేర్కొన్నారు. ప్రతి ఒక్కరూ ఓటు నమోదు చేసుకోవాలని,అలాగే ఆన్లైన్ ద్వారా నమో చేసుకోవడానికి voters.eci.gov.in ద్వారా నమోదు చేసుకోవచ్చునని జిల్లా స్వీట్ నోడల్ అధికారి భాగ్యలక్ష్మి తెలిపారు.ఈ కార్యక్రమంలో నర్సంపేట తాసిల్దార్ రాజేష్ ఎంపీడీవో శ్రీనివాస్ తదితరులు పాల్గొన్నారు.