అభినందనలు తెలియజేసిన విద్యాధికారి నీలకంఠం

పదవ తరగతి పరీక్షల్లో మండల్ టాపర్ గా నిలిచిన నస్కల్ విద్యార్థి

నిజాంపేట: నేటి దాత్రి ,ఏప్రిల్ 30

గురువారం తెలంగాణ రాష్ట్ర విద్యాశాఖ పదవ తరగతి పరీక్ష ఫలితాలను విడుదల చేసింది.. ఈ సందర్భంగా మండల విద్యాధికారి నీలకంఠం మాట్లాడుతూ నిజాంపేట మండల వ్యాప్తంగా గవర్నమెంట్ పాఠశాలకు సంబంధించి అత్యధిక మార్కులు సాధించినటువంటి జెడ్ పి హెచ్ ఎస్ నస్కల్ విద్యార్థి 9.7 జిపిఏ వై. సుదిష్ణకు అభినందనలు తెలిపారు అలాగే మండల వ్యాప్తంగా ఉత్తీర్ణత శాతం 99% గా ఉన్నది అన్నారు. మండల వ్యాప్తంగా పరీక్షకు హాజరైన బాలుర సంఖ్య 108, బాలికల సంఖ్య 87 ఉంది అని ఆయన తెలిపారు అలాగే 100% ఉత్తీర్ణత సాధించినటువంటి పాఠశాలల ప్రధానోపాధ్యాయులకు, ఉపాధ్యాయులకు, విద్యార్థుల తల్లిదండ్రులకు, విద్యార్థులకు అభినందనలు తెలిపారు