Ambedkar Jayanti Celebrated in School
డాక్టర్ బి.ఆర్ అంబేద్కర్ జయంతి వేడుకలు
నడికూడ,నేటిధాత్రి:
మండలంలోని పులిగిల్ల గ్రామంలోని ప్రాథమికోన్నత పాఠశాలలో (ఏప్రిల్ 14) ముందస్తు సందర్భంగా భారత రాజ్యాంగ శిల్పి డాక్టర్ బి.ఆర్.అంబేద్కర్ జయంతిని ఘనంగా నిర్వహించారు.
ఈ కార్యక్రమంలో ఇన్చార్జి ప్రధానోపాధ్యాయులు కటుకోజ్వల సతీష్ మాట్లాడుతూ అంబేద్కర్ జీవితం ప్రతి ఒక్కరికీ ఆదర్శమని తెలిపారు.కుల వివక్షను నిర్మూలించి సమానత్వాన్ని స్థాపించడంలో ఆయన చేసిన సేవలు చిరస్మరణీయమని అన్నారు. విద్య ద్వారానే సమాజంలో మార్పు సాధ్యమని ఆయన సూచించిన మార్గాన్ని అందరూ అనుసరించాలని పిలుపునిచ్చారు.ఈ కార్యక్రమంలో ఉపాధ్యాయులు ఉమా,పద్మ, రాజేష్,రమేష్ అటెండర్ సూరమ్మ ఈ కార్యక్రమంలో పాల్గొన్నారు.
ఈ సందర్భంగా విద్యార్థులు అంబేద్కర్ జీవితం పై ప్రసంగాలు చేసి,నినాదాలు ఇచ్చారు.కార్యక్రమం ఉత్సాహభరితంగా జరిగింది. చిన్నారులందరికీ డ్రాయింగ్ పోటీలు నిర్వహించడం జరిగింది.అనంతరం రోడ్డు భద్రత వారోత్సవాలు భాగంగా చిన్నారులచే ప్రతిజ్ఞ చేయించడం జరిగింది.
చివరిగా పాఠశాల తరఫున అందరికీ ధన్యవాదాలు తెలియజేశారు.
