తల్లిదండ్రుల జ్ఞాపకార్థం అంబలి పంపిణీ

నెన్నల్, నేటి ధాత్రి ,:

మంచిర్యాల జిల్లా నెన్నెల మండలం చిత్తాపూర్ గ్రామంలో మాజీ సర్పంచ్ బత్తిని పద్మ, వెంకటేష్ గౌడ్ వారి తల్లిదండ్రులు బత్తిని రాజవ్వ,ఓదే గౌడ్ గార్ల జ్ఞాపకార్థం శనివారం రోజున అంబలి పంపిణీ కార్యక్రమం చేయడం జరిగింది. విపరీతమైన ఎండ తీవ్రతను దృష్టిలో ఉంచుకొని బయట పనులకు వచ్చే కూలీలకు, ప్రయాణాలు చేసే ప్రయాణికులకు, బాటసారులకు దాహార్తిని తీర్చడం కోసం ఈ కార్యక్రమాన్ని చేపట్టినట్టు తెలిపారు. వేసవి తాపానికి ఎంతో ఉపశమనం కలిగించే అంబలి పంపిణీ కార్యక్రమం చేయడాన్ని గ్రామస్తులు, ప్రయాణికులు అభినందించారు.