జిల్లా విద్యాశాఖాధికారి రాంకుమార్
భూపాలపల్లి నేటిధాత్రి
జయశంకర్ భూపాలపల్లి జిల్లాలోని ప్రభుత్వ. స్థానిక సంస్థల పాఠశాలలు .కస్తూర్బా గాంధీ.యుఆర్ఎస్.మోడల్ స్కూల్స్ తెలంగాణ రెసిడెన్షియల్ స్కూల్స్ .ప్రభుత్వ గురుకులాలు మరియు ఏయిడెడ్ పాఠశాలల్లో పాఠశాల యాజమాన్య కమిటీల(ఏస్ఎంసి )ఏర్పాటు నిమిత్తము ప్రభుత్వ ఆదేశాల మేరకు ఎన్నికల నోటిఫికేషన్ విడుదల చేయనైనదని జిల్లా విద్యాశాఖాధికారి రామ్ కుమార్ తెలిపారు.
పాఠశాలలోని ఒకటవ తరగతి నుండి 8వ తరగతి వరకు ఒక తరగతి నుండి ముగ్గురు పేరెంట్స్ ను కమిటీ మెంబర్స్ గా ఎన్నుకోబడును. ప్రాథమిక పాఠశాల స్థాయి ఒకటో తరగతి నుండి 5వ తరగతి వరకు 15 మందిని. ప్రాధమికోన్నత పాఠశాల స్థాయి ఒకటో తరగతి నుండి ఏడో తరగతి వరకు 21 మందిని. హై స్కూల్ స్థాయి ఆరవ తరగతి నుండి ఎనిమిదో తరగతి వరకు 9 మందిని కమిటీ సభ్యులుగా ఎన్నుకోవలెను.పాఠశాల యాజమాన్య కమిటీ లో చైర్మన్ వైస్ చైర్మన్ ఎక్స్ అఫీషియల్ మెంబర్. (ప్రధానోపాధ్యాయులు) ప్రతి తరగతి నుండి ముగ్గురు ఎంపిక కాబడిన సభ్యులు. ఎక్స్ -అఫీషియో సభ్యులు ఐదుగురు.కో అప్డేట్ సభ్యులు ఇద్దరూ .శాశ్వత సభ్యులుగా స్థానిక సర్పంచి /మున్సిపల్ చైర్ పర్సన్/ మేయర్ ఉండును.
ఎన్నికల షెడ్యూలు ప్రకారంగా స్థానిక ప్రధానోపాధ్యాయులు ఎన్నికల నిర్వహణను పూర్తి గావించవలెనని ఆదేశించినైనది.
పాఠశాల యాజమాన్య కమిటీ ఎన్నికల షెడ్యూల్
ఈ నెల 20న ఎస్ఎంసి సభ్యులు. చైర్మన్ వైస్ చైర్మన్ ఎన్నిక కొరకు నోటీసును ప్రచురించడం
సమయం. ఉ”10:00 గంటలకు
నోటీసు బోర్డులో ఎస్ఎంసి సభ్యుల ఎన్నిక కొరకు తల్లిదండ్రుల జాబితాను ప్రదర్శించడం
సమయం మ”2:00 గంటలకు
ఈనెల 22 నుండి 23 వరకు సోమవారం నుండి మంగళవారం వరకు
తల్లిదండ్రుల జాబితా పై అభ్యంతరాలను స్వీకరించి.ఏమైనా ఉంటే పరిష్కరించడం
సమయం ఉ”9:00 గంటల నుండి సా”4:00 గంటల వరకు
ఈ నెల 24న
ఎస్ఎంసి సభ్యుల ఎన్నిక కొరకు తల్లిదండ్రుల తుది జాబితా (లిస్టు)ను ఖరారు చేసి అట్టి జాబితాను పాఠశాల నోటీసు బోర్డులలో ప్రదర్శించడం.
సమయం ఉ”11:00 గంటలకు
ఈనెల 29న ఎస్ఎంసి సభ్యుల ఎంపిక కొరకు ఎన్నికను నిర్వహించడం నూతన ఎస్ఎంసిల ఏర్పాటు
సమయం: ఉ “7:00 గంటల నుండి మ” 1:00 వరకు
ఎన్నికైన ఎస్ఎంసి సభ్యుల నుండి చైర్మన్ మరియు వైస్ చైర్మన్ ల కొరకు ఎన్నిక నిర్వహించడం
సమయం మ ” 1:30 గంటలకు
మొదటి ఎస్ఎంసి సమావేశాన్ని నిర్వహించడం
సమయం మ”2:00 గంటల నుండి సా “4:00 గంటల వరకు
