భద్రాచలం నేటి ధాత్రి
ఖమ్మంలో జరిగిన బెంచ్ ప్రెస్ పోటీలలో భద్రాచలం సిటీ స్టైల్ జమ్ముకు మాస్టర్ టీం ఛాంపియన్షిప్ కైవసం చేసుకున్నట్లు భద్రాద్రి కొత్తగూడెం జిల్లా పవర్ లిఫ్టింగ్ అసోసియేషన్ అధ్యక్షుడు భోగాల శ్రీనివాస్ రెడ్డి తెలిపారు. మాస్టర్స్ 1 విభాగంలో, 74 కేజీల విభాగంలో కోమండ్ల వేణుకి బంగారు పతకం, మాస్టర్ 1విభాగంలో, 94 కేజీల విభాగంలో , గుగులోతు శోభన్ నాయక్ కి కాంస్య పతకం, మాస్టర్ వన్ విభాగంలో, 105 కేజీల విభాగంలో, నాగరాజుకు బంగారు పధకం, మాస్టర్ 2, విభాగంలో, 74 కేజీల విభాగంలో మహంతి వెంకటకృష్ణాజి( సుధా జ్యువెలర్స్ అధినేత ) కి బంగారు పతకం., మాస్టర్ 2, విభాగంలో,74 కేజీల విభాగంలో, పి రామకృష్ణకు కాంస్య పతకం, ఈ విభాగాలలో పతకాలు సాధించినట్లు తెలిపారు. ఈ గెలుపొందిన క్రీడాకారులు మాట్లాడుతూ ఈ విజయం సాధించడం పట్ల ఎంతో హర్షం వ్యక్తం చేస్తూ, సిటీ స్టైల్ జిమ్ కోచ్ జివి రామిరెడ్డి ఇచ్చిన కటోర శిక్షణ వలనే ఈ పతకాలు సాధించగలిగినట్లు చెప్పారు. ఈ గెలుపొందిన క్రీడాకారులను, పట్టణంలోని పలు క్రీడా సంఘాలు, ప్రముఖులు, రాజకీయ నాయకులు, గ్రీన్ భద్రాద్రి టీం సభ్యులు, వివిధ రకాల స్వచ్ఛంద సంస్థల వారు, ప్రముఖ సంఘ సేవకులు గాద మాధవరెడ్డి, మరియు సిటీ స్టైల్ జిమ్ సభ్యులందరూ కూడా అభినందించడం జరిగింది.
