గుండాల ఎస్ఐ కిన్నెర రాజశేఖర్
గుండాల(భద్రాద్రికొత్తగూడెం జిల్లా),నేటిధాత్రి :
తెలంగాణ ప్రభుత్వం విడుదల చేసిన పోలీస్ కానిస్టేబుల్ పరీక్ష ఫలితాలలో ఉత్తీర్ణులై ఉద్యోగం సాధించిన దేవసాని సునీల్, గుండెబోయిన రాకేష్ , ఇర్ఫా కల్పన లను గుండాల ఎస్సై కిన్నెర రాజశేఖర్ శుక్రవారం ఉదయం పోలీస్ స్టేషన్కు పిలిపించి వారితో మాట్లాడి వారిని అభినందించి సన్మానించారు .వారికి ట్రైనింగ్ సమయంలో కావలసిన తగు జాగ్రత్తల గురించి వివరించారు. నవంబర్ నెలలో ట్రైనింగ్ ఉండే అవకాశం ఉంటుందని దీనికంటే ముందు వైద్య పరీక్షలు,ఎస్బి ఎంక్వయిరీ ఉంటుందని అప్పటివరకు జాగ్రత్త వహించాలని సూచించారు . కానిస్టేబుల్ ఉద్యోగంతోనే ఆగకుండా పై స్థాయి ఉద్యోగాలకు కూడా ప్రయత్నం చేసి సాధించాలని వారిని ప్రోత్సహించారు. ఇంతటి పోటీలో కూడా నెగ్గి ఉద్యోగం సాధించిన అభ్యర్థులను మరియు వారిని కని పెంచిన తల్లిదండ్రులను కూడా అభినందించారు. ఈ కార్యక్రమంలో గుండాల పోలీస్ సిబ్బంది పాల్గొన్నారు.
