ఆలయాలు,చర్చి,మసీదులలో ప్రత్యేక పూజలు,
సత్తుపల్లిని గులాబీ మాయం చేసిన బిఆర్ఎస్ సేన,
సండ్రను సత్కరించిన ఎంపీలు నామా,వద్దిరాజు,బండి.
సత్తుపల్లి,నేటిధాత్రి:
తెలంగాణ అసెంబ్లీ ఎన్నికల్లో భాగంగా సత్తుపల్లి నియోజకవర్గం బిఆర్ఎస్ పార్టీ అభ్యర్థిగా సండ్ర వెంకటవీరయ్య గురువారం నామినేషన్ దాఖలు చేశారు.నామినేషన్ ప్రక్రియకు ముందు ఆనవాయితీగా నియోజకవర్గంలోని పలు ఆలయాలు,చర్చి,మసీదులో పూజలు నిర్వహించారు.పట్టణంలో హనుమాన్ నగర్ లోని ఆంజనేయస్వామి దేవాలయంలో ప్రత్యేక పూజలు నిర్వహించారు.బిఆర్ఎస్ ఎంపీలు నామా నాగేశ్వరరావు,వద్దిరాజు రవిచంద్ర,బండి పార్థసారథిరెడ్డి ఎమ్మెల్యే సండ్రను సత్కరించారు.నియోజకవర్గ నలుమూలల నుంచి సుమారు పదివేలకు పైగా బీఆర్‌ఎస్‌ నాయకులు,కార్యకర్తలు,సండ్ర అభిమానులు హాజరై ఎమ్మెల్యే సండ్ర వెన్నంటి నడిచారు.మహిళా కార్యకర్తలు సండ్రకి హారతి ఇచ్చి నీరాజనాలు పలుకుతూ జై సండ్ర,జై బిఆర్ఎస్ అనే నినాదంతో సత్తుపల్లి పట్టణాన్ని హోరెత్తించారు
