చందుర్తి, నేటిధాత్రి:
చందుర్తి మండలం కిష్టంపేట గ్రామంలోని మండల పరిషత్ ప్రాథమిక పాఠశాలలోని అంగన్వాడి కేంద్రం వార్షికోత్సవం శనివారం ఘనంగా నిర్వహించారు. ఈ సందర్భంగా ఏర్పాటుచేసిన వార్షికోత్సవంలో పాటలకు చిన్నారి విద్యార్థులు విద్యార్థులు చేసిన నృత్యాలు తల్లిదండ్రులను చూపర్లను ఎంతగానో ఆనందింప చేశాయి. అనంతరం అంగన్వాడి ఉపాధ్యాయురాలు అడిగిన జీకే ప్రశ్నలకు విద్యార్థిని విద్యార్థులు టక్కు టక్కున సమాధానాలు చెప్పడంతో చిన్నారుల తల్లిదండ్రులు చాలా ఆనందం వ్యక్తం చేశారు. ఈ కార్యక్రమంలో అంగన్వాడీ ఉపాధ్యాయులు పుష్పలత, సహాయకురాలు మంజుల ప్రాథమిక పాఠశాల ఉపాధ్యాయ బృందం శ్రీనివాస్ రెడ్డి, నవీన, శ్రీలత, కృష్ణ, చిన్నారి విద్యార్థి విద్యార్థులు పాల్గొన్నారు
