ప్రమాదం.. 16 మేకలు ఒక్కసారిగా మృత్యువాత
జహీరాబాద్ నేటి ధాత్రి:
న్యాల్కల్ మండల్ మొల్కల్పాడు గ్రామంలో సోమవారం ఉదయం ఊహించని ఘోర ప్రమాదం సంభవించింది. రైతు మేతరి సంజీవ్ తన 16 మేకలను మేతకు తీసుకెళ్లగా, అవి పొలంలోని పత్తి పంటలో మేస్తూ ఒక్కొక్కటిగా కిందపడి మృతి చెందాయి. ఈ ఘటనలో రైతుకు సుమారు రూ.2.5 లక్షల నష్టం వాటిల్లింది. మేకలు ఆకస్మికంగా ఎందుకు చనిపోయాయో తెలియాల్సి ఉంది. సంఘటన స్థలాన్ని రెవెన్యూ అధికారులు సందర్శించి వివరాలు తెలుసుకున్నారు.