జైపూర్,నేటి ధాత్రి:
మంచిర్యాల జిల్లా జైపూర్ మండలం ముదిగుంట గ్రామంలో గాజుల రాజయ్య ఇంటి పక్కన వర్షం నీరు నిలిచి పెద్ద గుంత ఏర్పడింది. గుంతలో రోజు పశువులు బోర్లడంతో నీరు దుర్వాసన వస్తు దోమలకు, ఈగలకు ఆవాసముగా ఏర్పడింది. దీనికి తోడు చుట్టుపక్కల నివసిస్తున్న వారు తీవ్ర జ్వరాలతో బాధపడుతున్నారు. గ్రామపంచాయతీ అధికారులు ఈ గుంతను పూడ్చి సమస్యను పరిష్కరించి గ్రామంలో ఇలాంటివి ఇంకెక్కడ ఉన్న గుర్తించి ప్రజలకు ఇబ్బందులు కలగకుండా చూడాలని కోరుతున్నారు.
