రామకృష్ణాపూర్, నేటిధాత్రి:
క్యాతనపల్లి మున్సిపాలిటీ నూతనంగా మున్సిపల్ కమిషనర్ గా ఇటీవల బాధ్యతలు చేపట్టిన గద్దె రాజు ను తెలంగాణ మున్సిపల్ వర్కర్స్ అండ్ ఎంప్లాయిస్ యూనియన్ సిఐటియు ఆధ్వర్యంలో మర్యాద పూర్వకంగా కలిసి శాలువాతో సత్కరించి,మొక్కను అందించి ఘనంగా సన్మానించారు. ఈ సందర్భంగా కార్మికులకు ఉన్నటువంటి చిన్నా,చితక సమస్యలను పరిష్కరించాలని కమిషనర్ ను కోరడం జరిగిందని నాయకులు తెలిపారు. సానుకూలంగా స్పందించిన కమిషనర్ త్వరలోనే పరిష్కారం చేసేందుకు కృషి చేస్తానని తెలిపినట్లు సిఐటియు నాయకులు పేర్కొన్నారు. ఈ కార్యక్రమంలో సిపిఎం పార్టీ మంచిర్యాల జిల్లా కార్యదర్శి సంకె రవి, దూలం శ్రీనివాస్ సిఐటియు జిల్లా సహాయ కార్యదర్శి, మున్సిపల్ యూనియన్ జిల్లా ప్రధాన కార్యదర్శి కాసర్ల రాజలింగు, క్యాతనపల్లి మున్సిపల్ యూనియన్ సిఐటియు అధ్యక్ష కార్యదర్శులు యం. మహేందర్, ఐలన్న, నాయకులు రమేష్, తిరుపతి, రాజు, రాజయ్య తదితరులు పాల్గొన్నారు.
