నడికూడ మండలంలో నకిలీ ( అనర్హుల) పెన్షన్ల హవా..!
అనర్హులకే ప్రభుత్వ పెన్షన్లు పెద్దపీట.
అవయవాలన్ని బాగున్నా పెన్షన్ తీసుకుంటున్న వైనం
చూసి చూడనట్లుగా వ్యవహరిస్తున్న అధికారులు
నడికూడ,నేటిధాత్రి:రాష్ట్ర
ప్రభుత్వం అర్హులైన నిరుపేదలకు ఆసరాగా నిలిచేందుకు అందిస్తున్న వృద్ధులకు,వితంతువులకు, వికలాంగులకు,ఓంటరి మహిళలకు వారి జీవనాధారానికి ప్రభుత్వం ప్రతినెలా పెన్షన్ అందిస్తుంది. మండలంలోని గ్రామాలలో కొంతమంది రాజకీయ నాయకులు,ప్రభుత్వ అధికారుల అండదండలతో అవయవాలు అన్నీ బాగున్నా నకిలీ సర్టిఫికెట్లతో వికలాంగుల పెన్షన్ తీసుకుంటున్నారనే ప్రచారం జోరుగా సాగుతుంది. అర్హులకు పింఛన్లు రాకుండా అనర్హులకు పింఛన్లు వస్తున్నాయని ఆరోపణలు వినబడుతున్నాయి దీనిపై ప్రభుత్వ అధికారులు ఎలాంటి చర్య తీసుకోవడం లేదు,చూసి చూడనట్లుగా వ్యవహరిస్తున్నారని మండల ప్రజలు ఆరోపిస్తున్నారు.గత కొన్నేళ్లుగా వికలాంగుల పెన్షన్ తీసుకుంటూ ప్రభుత్వ ఆదాయానికి గండి కొడుతున్న నకిలీ పెన్షనర్లు. కొన్ని కుటుంబాలలో ఓకే ఇంట్లో ఇద్దరికి పెన్షన్లు రావడం గమనార్హం. అనర్హులకు పెన్షన్ రావడం పట్ల ప్రజలనుండి వినబడుతున్న మాటలు. కొన్ని కుటుంబాలలో ప్రభుత్వ ఉద్యోగం ఉన్న పెన్షన్ కొంతమందికి వచ్చి, కొంతమంది కి రావడం లేదు. ప్రభుత్వం నుండి అర్హులైన పేదవారికి పెన్షన్లు అందకుండా అనర్హులకు పెన్షన్ రావడం పట్ల అర్హులుగా ఉండి పెన్షన్ రాని వారు మాకు ఎందుకు పింఛన్ రావడం లేదని ఆగ్రహిస్తున్నారు.అధికారుల చుట్టూ ప్రదక్షణలు చేసిన ఫలితం శూన్యంగానే ఉన్నదని లబ్ధిపొందని వారు ఆరోపిస్తున్నారు.అర్హులకు పెన్షన్ రాకపోతే వారు జీవనాధారం కోల్పోతున్నారు.అయ్యా ప్రభుత్వమా అర్హులమైన మాకు పెన్షన్స్ ఇవ్వలేరా? అంటూ దీనిపై ప్రభుత్వం,జిల్లా కలెక్టర్ వెంటనే స్పందించి నకిలీ(అనర్హులు)వారిని గుర్తించి ఏరేసి,అర్హులకు పెన్షన్ వచ్చేలా చర్యలు తీసుకుని అర్హులకు పెన్షన్ అందజేయాలని ప్రజలు కోరుకుంటున్నారు.
నాకు పెన్షన్ ఇప్పించండి
నేను పుట్టినప్పటి నుండి వికలాంగుడిని నాకు ప్రభుత్వ పెన్షన్ 75 రూ.ల నుండి 2000 రూ.ల వరకూ వచ్చింది ఆ తర్వాత 10 సంవత్సరాల నుండి నాకు పెన్షన్ రావడం లేదు, ఎన్నిసార్లు అధికారుల చుట్టూ తిరిగిన ఫలితం శూన్యం,నేను అర్హుడ్ని కాదా నా దగ్గర ఆధారాలు, సర్టిఫికెట్స్ అన్ని ఉన్నా కూడా పెన్షన్ రావడం లేదు దీనిపై ప్రభుత్వం స్పందించి పెన్షన్ వచ్చేలా న్యాయం చేయాలని కోరుతున్నా.
పరాంకుశం వెంకట రామచందర్.
నాకు ప్రభుత్వ న్యాయం చేయాలి
నా భర్త చనిపోయి ఐదేళ్లు అవుతుంది నాకు ఇప్పటివరకు పెన్షన్ రావడం లేదు, పెన్షన్ కోసం ఎన్నోసార్లు అప్లికేషన్ పెట్టుకున్న కానీ ఇంతవరకు పెన్షన్ రాలేదు, అధికారుల చుట్టూ తిరిగిన ఫలితం లేకుండా పోయింది, నాకు ప్రభుత్వం తగిన న్యాయం చేయాలని కోరుతున్నా.
బండ్ల స్వరూప.
నాకు పెన్షన్ రావడం లేదు
నా భర్త చనిపోయి ఐదేళ్లు అవుతుంది ఇప్పటివరకు నాకు పెన్షన్ రావడం లేదు, దయచేసి ప్రభుత్వం నాకు పెన్షన్ ఇప్పించి ఆదుకోవాలని కోరుకుంటున్నాను.
దుప్పటి బుచ్చమ్మ.
