లక్షెటిపేట్ (మంచిర్యాల) నేటిధాత్రి:
మండలంలోని బలరావుపేట్, మిట్టపల్లి, ఉత్కూర్, మోదెల హన్మంతు పల్లి గ్రామాలలో రైతులకు నకిలి విత్తనాలు , విత్తనాల కొనుగోలు లో తీసుకోవాల్సిన జాగ్రత్తల పై అవగాహన కార్యక్రమం ఏర్పాటు చేయడం జరిగింది. ఈ కార్యక్రమంలో మండల వ్యవసాయ అధికారి సిహెచ్ ప్రభాకర్ మాట్లాడుతూ సంచులలో విడిగా ఉన్న విత్తనాలను కొనుగోలు చేయరాదు. రైతులు విత్తనాలు కొనుగోలు చేసిన దుకాణం నుండి రసీదు ను తప్పని సరిగా తీసుకోవాలి. విత్తన పాకెట్ బిల్లు ను పంట కాలం పూర్తయ్యే వరకు భద్రంగా దాచుకోవాలి. వ్యవసాయ శాఖ ద్వారా గుర్తింపు పొందిన అధీకృత డీలర్స్ వద్దనే విత్తనాలు కొనుగోలు చేయాలి.
విత్తన పాకెట్ మీద తయారయిన తేది, కాలం ముగిసే తేది చూసుకోవాలి.
గ్రామాలలో తక్కువ ధర కు, ఎక్కువ ధరకు విత్తనాలు అమ్మి వారి వివరాలు తెలుపాలి అని రైతులకు అవగాహన కల్పించడం జరిగింది. ఈ కార్యక్రమం లో వ్యవసాయ విస్తరణ అధికారులు ష్మీన్, శ్రీనివాస్, అనుష రైతులు పాల్గొనడం జరిగింది.
