20 లీటర్ల నాటుసారా స్వాధీనం, 375 లీటర్ల బెల్లం పానకం ధ్వంసం
జమ్మికుంట (కరీంనగర్ జిల్లా), నేటిధాత్రి :
ఇల్లందకుంట మండలం సిరిసేడు గ్రామంలో జిల్లా ఎక్సెజ్ టాస్క్ ఫోర్స్ సీఐ నాగేశ్వరరావు ఆధ్వర్యంలో గురువారం దాడులు నిర్వహించారు. ఈ సందర్భంగా నాగేశ్వరరావు మాట్లాడుతూ, సిరిసేడు గ్రామానికి చెందిన దుగ్యాల పరమేష్ అనే వ్యక్తి వద్ద నుండి 20 లీటర్ల నాటుసారా స్వాధీనం చేసుకొని, 375 లీటర్ల బెల్లం పానకాన్ని ధ్వంసం చేసి అతని పై కేసు నమోదు చేసినట్లు చెప్పారు. నిందితుడు పరమేష్ తమ రాకను గమనించి నేర స్థలం నుంచి పారిపోయినట్లు తెలిపారు. ఈ దాడుల్లో ఎక్సెజ్ టాస్క్ ఫోర్స్ ఎస్సై శ్రీనివాస్, హెడ్ కానిస్టేబుల్ మోసిన్, ఎక్సైజ్ కానిస్టేబుళ్లు కుమార్ యాదవ్, ఖాసింబీ, కమలాకర్ పాల్గొన్నారు.
