Anjaneya Swamy Kalyanam on April 2
2ఏప్రిల్ న ఆంజనేయస్వామి కల్యాణమహోత్సవం
భక్తులు పాల్గొని దైవాశిస్సులు పొందండి
పరకాల,నేటిధాత్రి
మండలంలోని మల్లక్కపేట గ్రామంలో ఉన్న శ్రీ భక్తంజనేయ స్వామి దేవస్థానంలో ఏప్రిల్ 2న ఆంజనేయ స్వామి కల్యాణ మహోత్సవం ఘనంగా నిర్వహించనున్నట్లు ఆలయ నిర్వాహకులు తెలిపారు.ఈ సందర్భంగా ప్రత్యేక పూజలు, హోమాలు,కల్యాణోత్సవ కార్యక్రమాలు బండ్లు తిరుగుట భక్తిశ్రద్ధలతో జరగనున్నాయి.ఉదయం నుంచే ఆలయంలో పూజా కార్యక్రమాలు ప్రారంభమవుతాయని,అనంతరం ఆంజనేయ స్వామి కల్యాణ మహోత్సవాన్ని వైభవంగా నిర్వహించనున్నట్లు పేర్కొన్నారు.ఈ పుణ్య కార్యక్రమంలో పాల్గొని స్వామివారి ఆశీర్వాదాలు పొందాలని భక్తులకు పిలుపునిచ్చారు.భక్తుల కోసం తాగునీరు,ప్రసాదం,అన్నప్రసాదం వంటి ఏర్పాట్లు చేయనున్నట్లు తెలిపారు.పరిసర గ్రామాల ప్రజలు పెద్ద ఎత్తున హాజరై ఈ మహోత్సవాన్ని విజయవంతం చేయాలని ఆలయ కమిటీ కోరింది.
