రాచర్ల కి లేని సెలవు దినం*

నిబంధనలు ఉల్లఘించడంలో మితిమిరుతున్న ప్రైవేట్ కళాశాల

 నిబంధనలు అతిక్రమించారని ఫిర్యాదులు చేసిన ఫలితం శూన్యం

 ఎల్లారెడ్డిపేట (రాజన్న సిరిసిల్ల) నేటిధాత్రి

 ఎల్లారెడ్డిపేట మండల కేంద్రానికి చెందిన రాచర్ల జూనియర్ కళాశాల ప్రభుత్వ సెలవు దినం అయిన కూడా వాటిని బేఖాతరు చేసి కళాశాల ను నడిపిస్తున్నారు.తెలంగాణ రాష్ట్ర వ్యాప్తంగా అన్ని విద్యాసంస్థలకు సెలవు ప్రకటించిన రాజన్న సిరిసిల్ల జిల్లాలోని ఎల్లారెడ్డిపేట మండల కేంద్రానికి చెందిన రాచర్ల జూనియర్ కళాశాల మాత్రం ప్రభుత్వ ఆదేశాలు ప్రక్కన పెట్టి కళాశాల నడుపుతున్నారు. నిర్విరామంగా ర్యాంకుల కోసం విద్యార్థులను మానసికంగా వేధిస్తూ కళాశాల లు నడుపుతున్నారు. ఓ వైపు విద్యార్థుల చదువుల ఓత్తడిలు ఎక్కువై విద్యార్థులు ఆత్మహత్య లకు పాల్పడుతున్నారని విద్యార్థి సంఘాలు, రాజకీయ పార్టీలు ఎంత చెప్పిన అధికారులు మౌనం వహిస్తున్నారు తప్ప ఏ కళాశాల పైన కనీసం చర్యలు తీసుకోకపోవడం లేదు. ఇప్పుడు ఇలాంటి చర్యలే రాచర్ల కళాశాల యాజమాన్యం చేస్తుండడం వల్ల తప్పేదేమి లేక విద్యార్థుల తల్లిదండ్రులు విద్యార్థులను కళాశాల కు పంపిస్తున్నారు. ఇప్పటికైనా అధికారులు కళాశాల పై తగిన చర్యలు తీసుకుంటారో లేదో వేచిచూడాల్సిందే…..