ప్రజాక్షేమమే లక్ష్యంగా తెలంగాణ ప్రభుత్వం కృషి చేస్తుందని తెరాస వరంగల్ జిల్లా అధ్యక్షులు, వర్దన్నపేట ఎమ్మెల్యే అరూరి రమేష్ గారు అన్నారు.
వర్దన్నపేట మండలం చెన్నారం గ్రామానికి చెందిన గొర్రె కుమారస్వామి గారికి 2లక్షల 50వేల రూపాయలు, దమ్మన్నపేట గ్రామానికి చెందిన కొండబోయిన సాయిలు గారికి 2లక్షల 50వేల రూపాయలు అలాగే మరో ముగ్గురు లబ్ధిదారులకు లక్షా 54వేల రూపాయలు మొత్తం 6లక్షల 54వేల రూపాయలు ముఖ్యమంత్రి సహాయ నిధి నుండి మంజూరు అయిన చెక్కులను ఎమ్మెల్యే అరూరి రమేష్ గారు స్వయంగా లబ్ధిదారుల ఇంటికి వెళ్లి అందజేశారు. అనంతరం పల్లె ప్రగతి కార్యక్రమంలో భాగంగా చెన్నారం గ్రామంలోని నర్సరీ ని సందర్శించారు.
ఈ సందర్బంగా ఎమ్మెల్యే గారు మాట్లాడుతూ ఆపదలో ఉన్న వారికి ఆపన్న హస్తంలా, అనారోగ్యంకు గురై ఆర్థిక స్థోమత లేక ఆసుపత్రిలో చికిత్స పొందిన నిరుపేదలకు అండగా సీఎం సహాయ నిధి ఆర్థిక భరోసా క‌ల్గిస్తుంద‌ని అన్నారు. ఈ కార్యక్రమంలో మండల, స్థానిక ప్రజా ప్రతినిధులు, నాయకులు, కార్యకర్తలు తదితరులు పాల్గొన్నారు.
