నివాలర్పించిన బీఆర్ఎస్ నేత ఏనుగు మనోహర్ రెడ్డి
వేములవాడ,నేటిధాత్రి: వేములవాడ పట్టణంలో
సర్దార్ సర్వాయి పాపన్న గౌడ్ 373వ జయంతి వేడుకలను శుక్రవారం ఘనంగా నిర్వహించారు. ఈ వేడుకల్లో
బీఆర్ఎస్ సీనియర్ నాయకులు ఏనుగు మనోహర్ రెడ్డి పాల్గొని, సర్దార్ సర్వాయి పాపన్న గౌడ్ చిత్ర పటానికి పూలమాలలు వేసి నివాళులర్పించారు. ఈ సందర్బంగా ఏనుగు మనోహర్ రెడ్డి మాట్లాడుతూ పాపన్న గౌడ్ అన్ని వర్గాలను కలుపుకొని అప్పటి నియంతృత్వ, నిరంకుశ శక్తులకు వ్యతిరేకంగా పోరాడారని గుర్తు చేశారు. పాపన్న జీవితం స్ఫూర్తిదాయకమని అన్నారు. సర్దార్ సర్వాయి పాపన్న గౌడ్, మహనీయులు స్ఫూర్తిగా తెలంగాణ ప్రభుత్వం బడుగు బలహీన వర్గాల అభ్యున్నతికి కృషి చేస్తోందన్నారు. ఈ కార్యక్రమంలో కౌన్సిలర్ నరాల శేఖర్, నీలం శేఖర్, చంద్రగిరి శ్రీనివాస్ గౌడ్, నేరెళ్ళ తిరుమల్ గౌడ్, మాజీ సర్పంచ్ రాంరెడ్డి, మ్యాకల శ్రీనివాస్, బొజ్జ కనుకయ్య, సోమినేని బాలు, సత్యనారాయణగౌడ్, శ్రీకాంత్ గౌడ్, రాజేందర్, వెంకటేశం, రవి, రాము, శేఖర్, మహేష్, అనిల్, విజయ్, కృష్ణ తదితరులు పాల్గొన్నారు.
