రోజు రోజుకూ పెరుగుతున్న కుల సంఘాల మద్దతు
ఆరూరి రమేష్ కే మా మద్దతు
__జూలూరి రంజిత్ గౌడ్
వరంగల్, నేటిధాత్రి
వర్ధన్నపేట ఎమ్మెల్యే ఆరూరి రమేష్, ఈ రోజు గ్రేటర్ వరంగల్ మున్సిపల్ కార్పొరేషన్ 2వ డివిజన్ వంగపహడ్ లో పర్యటించారు. ఆరూరి రమేష్ కి వంగపహడ్ లోని వివిధ కుల సంఘాలు మద్దతు ప్రకటించాయి. బిఆర్ఎస్ యూత్ నాయకులు జూలూరి రంజిత్ గౌడ్ ఆధ్వర్యంలో గౌడ సంఘం మద్దతు తెలియచేశారు. వర్ధన్నపేట ఎమ్మెల్యే ఆరూరి రమేష్ కు సబ్బండ వర్గాల ప్రజలు జై కొడుతున్నారు. వారం రోజులుగా నియోజకవర్గంలో ప్రతి ఊరు తిరుగుతూ వందల కోట్ల రూపాయల నిధులతో చేపట్టిన అభివృద్ది పనుల ప్రారంభోత్సవాలు చేస్తున్న ఆరూరికి, స్థానిక 2వ డివిజన్ వంగపహాడ్ జనం అండగా నిలిచారు. ముచ్చటగా మూడోసారి గెలిపించుకుంటామని ప్రతీన బూనారు. చిన్నా పెద్దా, ముసలీ ముతకా అంతా అరూరి కారుకు జై కొడుతుండటంతో నియోజకవర్గంలో పండగ వాతావరణం నెలకొంది. తాజాగా 2వ డివిజన్ వంగపహడ్ కు చెందిన గౌడ సోదరులు జూలూరి రంజిత్ గౌడ్ ఆధ్వర్యంలో, అరూరి గెలుపులో మేమూ భాగస్వామ్యం అవుతామని, మా మద్దతు ఆరూరి రమేష్ కే నని ఏకగ్రీవ తీర్మానం చేసి ఎమ్మెల్యేని మర్యాద పూర్వకంగా కలిశారు. రెండుసార్లు ఎమ్మెల్యేగా గెలుపొందడంలో గౌడ సోదరుల పాత్ర కీలకమని, మూడోసారి కూడా ఆరూరికి మద్దతు తెలిపేందుకు వచ్చిన సోదరులందరికీ ఎమ్మెల్యే అరూరి రమేష్ కృతజ్గతలు తెలియజేశారు. అభివృద్దే నా జెండా అని, అందరినీ కలుపుకొని పోవడమే గులాబీ పార్టీ ఎజెండా అని ఎమ్మెల్యే అరూరి రమేష్ అన్నారు.
