ఖమ్మం, అక్టోబర్, 10:
అఖిల భారత అయ్యప్ప దీక్షా ప్రచార సమితి ఆధ్వర్యంలో స్థానిక
వీడీవోస్ కాలనీలో ఏర్పాటు చేసిన అన్నదాన శిబిరాన్ని రాజ్యసభ సభ ఎంపీ వద్దిరాజు రవిచంద్ర సోమవారం సందర్శించారు. అక్కడ స్వామి వారి పీఠానికి ప్రత్యేక
పూజలు చేసిన అనంతరం అన్నదాన కార్యక్రమంలో పాల్గొన్నారు. ఈ సందర్భంగా ఆయన స్వాములకు స్వయంగా వడ్డించారు. అయ్యప్ప దీక్ష ప్రచార సమితి వ్యవస్థాపకులు తాండ్ర రాంప్రసాద్ గురుస్వామి ఆధ్వర్యంలో గత కొన్నేళ్లుగా క్రమం తప్పకుండా కొనసాగిస్తున్న
అన్నప్రసాద వితరణ కార్యక్రమాన్ని ఆయన అభినందించారు.
ఈ సందర్భంగా రాంప్రసాద్ గురుస్వామి వద్దిరాజు రవిచంద్ర చేస్తున్న దాతృత్వ సేవలను కొనియాడారు. కార్యక్రమంలో స్థానిక కార్పోరేటర్ మిక్కిలినేని నరేంద్ర, మండప నిర్వాహకులు పగడాల కిషోర్, నాగరాజు, మడూరి పూర్ణ తదితరులు పాల్గొన్నారు.
