మహదేవపూర్ ఎంపీపీ పై అవిశ్వాసం.

ఆర్డీవోకు అవిశ్వాస పత్రాన్ని సమర్పించిన ఎంపీటీసీలు.

మహాదేవపూర్- నేటిధాత్రి;

మహదేవపుర్ మండల పరిషత్ అధ్యక్షుల పై ఈరోజు ఆర్డీవో కార్యాలయంలో అవిశ్వాస తీర్మానం కొరకు అవిశ్వాస పత్రాన్ని ఆర్డీవో కు అందజేయడం జరిగింది. భారత రాష్ట్ర సమితి పార్టీ కు చెందినటువంటి ఎంపీపీ బన్ సోడా రాణి బాయ్ మండల పరిషత్ అధ్యక్షురాలు గా గత నాలుగు సంవత్సరాల నుండి కొనసాగుతున్న క్రమంలో ఇతర పార్టీలకు చెందిన ఎంపీటీసీలు మాత్రం ముగ్గురు ఉన్నారు. మెజారిటీ మాత్రం భారత రాష్ట్ర సమితి ఎంపీటీసీలే ఉన్నప్పటికీ ప్రస్తుత ఎంపీపీ పై అవిశ్వాసం పెట్టడం చర్చనీయాంశంగా మారింది. అవిశ్వాస పత్రం స్థానిక ఆర్డీవోకు 8 మంది ఎంపీటీసీలు అవిశ్వాస పత్రంలో పేర్కొన్నప్పటికీ అవిశ్వాస పత్రాన్ని అందజేసే సమయంలో ఆరుగురు ఎంపీటీసీలు కలిసి ఆర్డిఓ కు అవిశ్వాస పత్రాన్ని అందజేయడం జరిగిందని ఆర్డీవో నేటిధాత్రి విలేఖరికి తెలియపరచారు. ఇక ఎంపీపీ పోయా అవిశ్వాసం వెనుక ఏ రాజకీయ పార్టీ హస్తముంది భారత రాష్ట్ర సమితి నుండి కాంగ్రెస్ లోకి ఎంపీటీసీలు వెళ్తున్నారా లేక కాంగ్రెస్ పార్టీకి సంబంధించిన ఎంపీటీసీలు భారత రాష్ట్ర సమితిలోకి వస్తున్నారా అనేది వేచి చూడాలి. గుట్టు చప్పుడు కాకుండా ఎంపీపీ పై అవిశ్వాస తీర్మానం మంథని నియోజకవర్గ రాజకీయంలో ఒక పెను మార్పు అని చెప్పవచ్చు.