ములుగులో ఘనంగా డాక్టర్ బి.ఆర్. అంబేద్కర్ జయంతి ఉత్సవాలు
#వేడుకలలో పాల్గొన్న ములుగు జిల్లా కలెక్టర్ దివాకర టి. ఎస్
ములుగు జిల్లా, నేటిధాత్రి
భారత రాజ్యాంగ నిర్మాత, భారతరత్న డాక్టర్ బి.ఆర్. అంబేద్కర్ 135వ జయంతి ఉత్సవాలను పురస్కరించుకుని ములుగు జిల్లా కేంద్రంలో వేడుకలు ఘనంగా నిర్వహించారు. మంగళవారం జిల్లా కలెక్టర్ దివాకర టి.ఎస్. ఆధ్వర్యంలో ఈ కార్యక్రమాలు జరిగాయి.
పూలమాలలతో నివాళులు
జిల్లా కేంద్రంలోని బస్టాండ్ కూడలి వద్ద ఉన్న అంబేద్కర్ విగ్రహానికి జిల్లా కలెక్టర్ దివాకర టి.ఎస్. పూలమాల వేసి ఘన నివాళులర్పించారు. ఈ సందర్భంగా ఆయన మాట్లాడుతూ.. సమాజంలో సమానత్వం కోసం, అణగారిన వర్గాల అభ్యున్నతి కోసం అంబేద్కర్ చేసిన కృషి చిరస్మరణీయమని కొనియాడారు. ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.
భారీ ర్యాలీ
అనంతరం బస్టాండ్ కూడలి నుంచి కలెక్టరేట్ సమావేశ మందిరం వరకు భారీ ర్యాలీ నిర్వహించారు. ఈ ర్యాలీలో అధికారులు, ప్రజాప్రతినిధులు, నీలి రంగు కండువాలు ధరించిన ఉత్సవ కమిటీ సభ్యులు పెద్ద సంఖ్యలో పాల్గొని అంబేద్కర్ నివాళులు అర్పించారు.
ఈ కార్యక్రమంలో
సంపత్ రావు జిల్లా అదనపు కలెక్టర్ (స్థానిక సంస్థలు)
చింతనిప్పుల చంద్రకళ మున్సిపల్ చైర్పర్సన్
అయేషా బేగం వైస్ చైర్పర్సన్
ఆర్డీవో వెంకటేష్,డీఎస్పీ కిషోర్ కుమార్ ఉత్సవ కమిటీ అధ్యక్షుడు, కార్యవర్గ సభ్యులు, వివిధ శాఖల అధికారులు మరియు ప్రజాప్రతినిధులు పాల్గొన్నారు.