హరిహరి వీరమల్లు విడుదలపై మేకర్స్‌ క్లారిటీ
పవన్‌కల్యాణ్‌ (Pawan kalyan) నటించిన ‘హరిహర వీరమల్లు’ (Harihara veeramallu) చిత్రం పార్ట్‌ 1 ఈ నెల 12న విడుదల కావాల్సింది. అయితే పలు కారణాల వల్ల వాయిదా పడిన సంగతి తెలిసిందే.
పవన్‌కల్యాణ్‌ (Pawan kalyan) నటించిన ‘హరిహర వీరమల్లు’ (Harihara veeramallu) చిత్రం పార్ట్‌ 1 ఈ నెల 12న విడుదల కావాల్సింది. అయితే పలు కారణాల వల్ల వాయిదా పడిన సంగతి తెలిసిందే. కొత్త విడుదల తేది ఎప్పుడా అని అభిమానులు ఆరా తీస్తున్నారు. దాంతో నెట్టింట రకరకాల ప్రచారాలు జరుగుతున్నాయి. జులై తొలి వారంలో విడుదలయ్యే అవకాశాలున్నాయని కొందరు అంటుంటే.. జూన్‌ 26న రిలీజ్‌ కానుందని ఓవర్సీస్‌కు చెందిన ఓ డిస్ర్టిబ్యూషన్‌ సంస్థ పోస్టు పెట్టింది. సంబంధిత పోస్టర్‌ సోషల్‌ మీడియాలో చక్కర్లు కొడుతోంది. దీనిపై మేకర్స్‌ ఎక్స్‌ వేదికగా స్పందించి రూమర్స్‌కు చెక్‌ పెట్టారు. ‘‘హరిహర వీరమలుల్ల’ రిలీజ్‌ డేట్‌కు సంబంధించి ఆన్‌లైన్‌లో చక్కర్లు కొడుతున్న పోస్ట్‌లను నమమకండి. మా సోషల్‌ మీడియా ఖాతా ద్వారా మరికొన్ని రోజుల్లోనే విడుదల తేదీని ప్రకటిస్తాం. అప్పటి వరకూ మీ ప్రేమ, మద్దతు ఇలానే ఉండాలని కోరుకుంటున్నాం’’ అని నిర్మాణ సంస్థ మెగా సూర్య ప్రొడక్షన్స్‌ పేర్కొంది. నాలుగేళ్ల క్రితం క్రిష్‌ దర్శకత్వంలో మొదలైన ఈ చిత్రం పలు కారణాల వల్ల షూటింగ్‌ ఆలస్యమైంది. ఆ తర్వాత సినిమా క్రిష్‌ చేతుల నుంచి జ్యోతికృష్ణ చేతికి వచ్చింది. నిధి అగర్వాల్‌ ఈ చిత్రంలో కథానాయిక. . అనుపమ్‌ ఖేర్‌, బాబీ దేవోల్‌ కీలక పాత్రలు పోషించారు.