త్వ‌ర‌లో శివ4K రీరిలీజ్…
శివ సినిమాను అతి త్వ‌ర‌లో 4కేలో రీ రిలీజ్ చేయ‌బోతున్న‌ట్లు ప్ర‌క‌టించారు అక్కినేని నాగార్జున.
రామ్‌పాల్ వ‌ర్మ (RGV) , నాగార్జున (Akkineni Nagarjuna) కాంబోలో వ‌చ్చి టాలీవుడ్‌ క‌ల్ట్‌ క్లాసిక్‌గా నిలిచిన చిత్రం శివ (Siva). ఈ యేటితో 35సంవ‌త్స‌రాలు పూర్తి చేసుకోబోతుంది. ఇప్ప‌టికే చాలాసార్లురీ రిలీజ్ అవుతూ వ‌చ్చిన ఈ సినిమాను 4కే ఫార్మాట్‌లో అతి త్వ‌ర‌లో రీ రిలీజ్ చేయ‌బోతున్న‌ట్లు కింగ్ నాగార్జున ఆదివారం స్వ‌యంగా ప్ర‌క‌టించారు. ఆయ‌న, ధ‌నుష్ కీల‌క పాత్ర‌ల్లో రూపొందిన కుబేర ప్రీ రిలీజ్ ఈ వెంట్ నిన్న హైద‌రాబాద్‌లో జ‌రిగింది.
ఈ సంద‌ర్భంగా ఆయ‌న మాట్లాడుతున్న స‌మ‌యంలో ఫ్యాన్స్ అదే ప‌నిగా శివ శివ గోల చేస్తుండ‌డంతో అతి త్వ‌ర‌లో శివ సినిమా 4కేను రీ రిలీజ్ చేయ‌బోతున్న‌ట్లు ప్ర‌క‌టించారు. దీంతో అక్కినేని ఫ్యాన్స్ ఎగిరి గంతేశారు. అయితే ఈ సారి ఇంకా బెట‌ర్ క్వాలిటీతో సినిమాను తీర్చిదిద్ది ప్రేక్ష‌కుల‌కు కొత్త అనుభూతిని ఇచ్చేందుకు ప్ర‌య‌త్నాలు చేస్తున్న‌ట్లు తెలుస్తోంది. ఇదిలాఉంటే నాగార్జున పుట్టిన రోజు సంద‌ర్భంగా ఆగ‌స్టు నెలాఖ‌రున గానీ సెప్టెంబ‌ర్‌లో గానీ ఈ శివ (Shiva4K) సినిమా ప్రేక్ష‌కుల‌కు ముందు మ‌రోసారి రానుంది. ఇప్ప‌టి వ‌ర‌కు రీ రిలీజ్ అయిన ప్ర‌తీసారి ఆడియెన్స్ నీరాజ‌నాలు అందుకున్న ఈ చిత్రం ఈ సారి ఏమేర‌కు అల‌రిస్తుందో చూడాలి.