జూనియర్ కళాశాల సమస్యలు పరిష్కరించాలని వినతి
జహీరాబాద్ నేటి ధాత్రి:
జహీరాబాద్ లోని జూనియర్ కళాశాల సమస్యలు పరిష్కరించాలని కోరుతూ ఎస్ఎఫ్ఎ ఆధ్వర్యంలో కలెక్టరేట్ ఏవో అంతోనీకి బుధవారం వినతిపత్రం సమర్పించారు. జిల్లా కార్యదర్శి రాజేష్ మాట్లాడుతూ కళాశాలలో తరగతి గదులు సరిపోకపోవడంతో విద్యార్థులు ఇబ్బంది పడుతున్నారని చెప్పారు. అదనపు గదులతో పాటు ప్రహరి గోడ నిర్మించాలని కోరారు. కార్యక్రమంలో జిల్లా సహాయ కార్యదర్శి అర్జున్, నాయకులు పాల్గొన్నారు.