టీవీకే అధినేతకి ఝలక్.. డీఎంకేలో చేరిన విజయ్ మాజీ మేనేజర్
మరికొద్ది రోజుల్లో సార్వత్రిక ఎన్నికల నోటిఫికేషన్ వెలువడనున్న తరుణంలో.. అగ్రహీరో, టీవీకే పార్టీ అధినేత విజయ్కి అతని సన్నిహితుడు, ఇప్పటివరకు ఆయన వెన్నంటి ఉన్న పీటీ సెల్వకుమార్ ఝలక్ ఇచ్చారు. ఆయన టీవీకేని వదిలి డీఎంకే పార్టీలో చేరారు.
చెన్నై: ‘తమిళగ వెట్రి కళగం’ (టీవీకే) అధ్యక్షులు, ప్రముఖ సినీనటుడు విజయ్ మాజీ మేనేజర్, ‘కలప్పై మక్కల్ ఇయక్కం’ అధ్యక్షుడు పీటీ సెల్వకుమార్ డీఎంకేలో చేరారు. స్థానిక తేనాంపేటలోని పార్టీ ప్రధాన కార్యాలయంలో ఆ పార్టీ అధ్యక్షుడు, ముఖ్యమంత్రి ఎంకే స్టాలిన్ సమక్షంలో ఆయన డీఎంకేలో చేరారు. ఈ కార్యక్రమంలో పార్టీ ప్రధాన కార్యదర్శి దురైమురుగన్, అధికార ప్రతినిధి ఆర్ఎస్ భారతి, మంత్రి పీకే శేఖర్బాబు, ఆలంకుళం ఎమ్మెల్యే మనోజ్ పాండిన్ తదితరులు ఉన్నారు.