50సంవత్సరాలు దాటిన మత్స్యకారులకు పెన్షన్ ఇవ్వాలి.
చేప పిల్లలకు బదులు నగద్ ని సొసైటీలకే ఇవ్వాలి.
రాష్ట్ర కార్యదర్శి చింతల రమేష్ ముదిరాజ్.
చిట్యాల, నేటిదాత్రి :
ఆర్థిక సామాజిక రాజకీయంగా ఎంతో వెనుకబడిన ముదిరాజ్ మత్స్యకారులను ప్రభుత్వం ఆదుకునే చర్యలు చేపట్టాలని ముదిరాజ్ మహాసభ రాష్ట్ర కార్యదర్శి చింతల రమేష్ ముదిరాజ్ కోరారు. శుక్రవారం చిట్యాల మండల కేంద్రంలో తెలంగాణ ముదిరాజ్ మహాసభ 11వ వార్షికోత్సవ వేడుకలు ప్రపంచ మత్స్యకారుల దినోత్సవ కార్యక్రమాన్ని మచ్చ సొసైటీ అధ్యక్షులు సంఖ్యల చంద్రయ్య ఆధ్వర్యంలో చేపట్టారు. ఈ సందర్భంగా ముదిరాజ్ జెండాను చంద్రయ్య ఆవిష్కరించిన అనంతరం రమేష్ ముదిరాజ్ మాట్లాడుతూ ముదిరాజులకు అనాదిగా అన్యాయమే జరుగుతుందన్నారు, ఉచిత చేప పిల్లలకు బదులుగా నగదునే సొసైటీలకే అందించాలని ముదిరాజులకు బిసి ఏ గ్రూపు కలగానే మిగులుతుందని, మత్స్యకారులకు అమలు చేస్తున్న సంక్షేమ పథకాలు ముదిరాజులకు అందడం లేదని, తెలంగాణ రాష్ట్ర ముదిరాజ్ కోఆపరేటివ్ సొసైటీ కార్పొరేషన్ లిమిటెడ్ ను ఏర్పాటు చేసి 1000 కోట్ల నిధులు కేటాయించవలసి ఉండగా కేవలం 50 కోట్లు మాత్రమే కేటాయించడంతో ఎలాంటి సమస్య తీరడం లేదన్నారు, ముదిరాజులంతా చేపలు పట్టి జీవించే వృత్తిలోనే కొనసాగుతున్నందున 50 సంవత్సరాలు దాటిన ప్రతి మత్స్యకారుడికి పెన్షన్ విధానాన్ని అమలు చేయాలని రమేష్ ముదిరాజ్ కోరారు ఈ కార్యక్రమంలో ముదిరాజ్ మహాసభ జిల్లా అధ్యక్షులు జోరుకసదయ్య మండల నాయకులు గుండా రవీందర్ గుండా స్వామి సదా శ్రీనివాస్ గుండా సురేష్ పిట్టల నాగరాజు అనిల్ గుండా ఓదెలు గుండా సంతోష్ అల్లం సదయ్య సారంగపాణి జెట్టి రాజయ్య అశోక్ గోల్కొండ శ్రీనివాస్ మొగిలి రాజు గుండ మల్లయ్య జెట్టి రాము తదితరులు పాల్గొన్నారు.