జూనియర్‌ నో ఫియర్‌….
ప్రముఖ రాజకీయ నాయకుడు వ్యాపారవేత్త గాలి జనార్థన రెడ్డి కుమారుడు కిరీటి రెడ్డి హీరోగా ఎంట్రీ ఇస్తున్న చిత్రం ‘జూనియర్‌’. యూత్‌ఫుల్‌ ఎంటర్‌టైనర్‌గా రూపుదిద్దుకుంటున్న ఈ చిత్రాన్ని రాధాకృష్ణ దర్శకత్వంలో రజని కొర్రపాటి నిర్మిస్తున్నారు.
ప్రముఖ రాజకీయ నాయకుడు, వ్యాపారవేత్త గాలి జనార్థన రెడ్డి కుమారుడు కిరీటి రెడ్డి హీరోగా ఎంట్రీ ఇస్తున్న చిత్రం ‘జూనియర్‌’. యూత్‌ఫుల్‌ ఎంటర్‌టైనర్‌గా రూపుదిద్దుకుంటున్న ఈ చిత్రాన్ని రాధాకృష్ణ దర్శకత్వంలో రజని కొర్రపాటి నిర్మిస్తున్నారు.
ఈ సినిమా టీజర్‌ను శుక్రవారం విడుదల చేశారు. ఇందులో ‘జూనియర్‌.. నో ఫియర్‌’ అనిపించే హుషారైన కాలేజీ కుర్రాడిగా కిరీటి కనిపించారు.
తన చుట్టూ ఉన్న వారిని ఆకర్షించే వ్యక్తిత్వం ఉన్న ఈ యువకుడు శ్రీలీలను ఇష్టపడతాడు.
గొడవతో మొదలైన వారి జర్నీ క్రమంగా ఎట్రాక్టివ్‌ కెమిస్ర్టీగా మారుతుంది.
ఈ టీజర్‌లో కిరీటి అదరగొట్టాడనే చెప్పాలి. తన డ్యాన్స్‌, స్టంట్స్‌, స్పాట్‌ ఆన్‌ కామిక్‌ టైమింగ్‌ అద్భుతంగా ఉన్నాయి. అలాగే కిరీటి చెప్పిన డైలాగులు ఆకట్టుకున్నాయి.
ఈ సినిమాలో శ్రీలీల కథానాయికగా నటిస్తున్నారు.
టీజర్‌ చివరిలో బాస్‌ పాత్రలో జెనీలియా డిసౌజా కనిపించడం ఆసక్తికరం.
అలాగే హాస్య పాత్రలో వైవా హర్ష కనిపించారు.
కె.కె.సెంథిల్‌ కుమార్‌ సినిమాటోగ్రఫీ గ్రాండ్‌ విజువల్స్‌తో అద్భుతంగా ఉంది.
అలాగే దేవిశ్రీప్రసాద్‌ సంగీతం కూడా అలరించింది. తెలుగు, కన్నడ, తమిళ మలయాళ హిందీలో భాషల్లో జులై 18న గ్రాండ్‌గా ‘జూనియర్‌’ విడుదల కానుంది.