వంటగ్యాస్ సిలిండర్ పేలి ఇల్లు దగ్ధం, భారీ నష్టం
జహీరాబాద్ నేటి ధాత్రి:
సంగారెడ్డి జిల్లా జహీరాబాద్ మండలం అల్గోల్లో చాకలి పద్మ ఇంట్లో వంట చేస్తుండగా వంటగ్యాస్ సిలిండర్ రెగ్యులేటర్ నుంచి గ్యాస్ లీకై మంటలు వ్యాపించాయి. దీంతో రేకుల ఇల్లు పూర్తిగా దగ్ధమైంది. ఈ ప్రమాదంలో ఇంట్లోని ఫ్రిడ్జ్, బీరువాలోని దుస్తులు, నగదు, బంగారు ఆభరణాలు కాలిపోయాయి. స్థానికులు సమాచారం ఇవ్వడంతో అగ్నిమాపక సిబ్బంది చేరుకునేలోపే ఇల్లు పూర్తిగా కాలిపోయింది. ఈ ఘటనలో ఎవరికీ ఎలాంటి గాయాలు కాలేదని తెలిసింది.