వనపర్తి లో ఆర్టీఏ నెంబర్ రిజిస్ట్రేషన్ లేని వాహనాలు రోడ్లపై పార్కింగ్
వారు ప్రజలపై దాదాగిరి
వనపర్తి నేటిదాత్రి .
వనపర్తి జిల్లా కేంద్రంలో ఆ ర్టి ఏ రిజిస్ట్రేషన్ లేని నెంబర్ ప్లేట్ లేని వాహనాలు రోడ్లపై పార్కింగ్ చేసి అనధికారికంగా వస్తువులను అన్లోడింగ్ చేసి దింపుతున్నారు . రోడ్డుపై వెళ్లే ద్విచక్ర వాహనాల వారిపై రోడ్డుపై నడిచే ప్రజలపై దాదాగిరి చేసి నానా హంగామా సృష్టిస్తున్నారని ఆపై దాడులు కూడా చేస్తున్నారని తెలంగాణ జన సమితి జిల్లా అధ్యక్షులు ఎంఏ ఖాదర్ పాషా ఆందోళన వ్యక్తం చేశారు గతంలో టౌన్ ఎస్ఐ గా పని చేసిన వెంకటేష్ గౌడ్ వనపర్తి పట్టణంలో రోడ్లపై వాహనాలు ఆపకుండా చర్యలు తీసుకున్నారని ఆయన గుర్తు చేశారు . కమాన్ సెంటర్ మాజీ ఎమ్మెల్యే డాక్టర్ బాలకృష్ణయ్య విగ్రహం దగ్గర వర్తక సంఘం భవనం దగ్గర నెంబర్ ప్లేట్ లేని వాహనాలు ఇతర ప్రాంతాల నుంచి సరుకులు తెచ్చి దింపుతున్నారని ఆ వాహనాలలో కేంద్ర రాష్ట్ర ప్రభుత్వం నిషేధించిన వస్తువులను దింపుతూ వనపర్తి ప్రజలపై దాడులు చేస్తున్నారని ఆవేదన వ్యక్తం చేశారు . వనపర్తి జిల్లా రవాణా శాఖ అధికారి జిల్లా ఎస్పీ స్పందించి చర్యలు తీసుకొని వాహనాల ను తనిఖీలు నిర్వహించి జిల్లా రవాణా శాఖ అధికారి వాహనాలను సీజ్ చేయాలని ఆయన డిమాండ్ చేశారు . అదేవిధంగా పాత బస్టాండ్ కొత్త బస్టాండ్ కర్నూల్ రోడ్ అంబేద్కర్ చౌరస్తా కమాన్ చౌరస్తా హనుమాన్ టీటీడీ దివంగత ముఖ్యమంత్రి ఎన్టీఆర్ విగ్రహం దగ్గర జాతిపిత మహాత్మా గాంధీ విగ్రహం దగ్గర రోడ్లపై వాహనాలు ఆపకుండా చర్యలు తీసుకొని జరిమానాలు విధించాలని ప్రజల పై దాడులు చేసే వాహనాల వారి గూర్చి సీ సీ కెమెరాలతో రికార్డింగ్ ఆధారాలు తీసుకొని కేసు లు నమోదు చేయాలని ఆయన జిల్లా ఎస్పీని కోరారు