క్రీడా పాఠశాల ప్రవేశ ఎంపిక పోటీలు
విద్యార్థులు ఆన్లైన్లో దరఖాస్తు చేసుకోవాలి… ఎంఈఓ కాలేరు యాదగిరి
కేసముద్రం/ నేటి ధాత్రి
క్రీడా పాఠశాలలో ప్రవేశానికి ఎంపిక పోటీలు ఈనెల 13 వ తేదీ శుక్రవారం కేసముద్రం మండలానికి చెందిన విద్యార్థులకు కేసముద్రం స్టేషన్ ఉన్నత పాఠశాలలో నిర్వహిస్తున్నట్లు మండల విద్యాశాఖాధికారి కాలేరు యాదగిరి తెలిపారు. 2026-27 విద్యా సంవత్సరానికి హకీంపేట, కరీంనగర్, ఆదిలాబాద్, హనుమకొండ లోని క్రీడా పాఠశాలల్లో నాలుగవ తరగతిలో అడ్మిషన్ల కోసం విద్యార్థులు 12వ తేదీలోపు ఆన్ లైన్ లో దరఖాస్తు చేసుకోవాలని, దీనికోసం టి జి ఎస్ ఎస్ తెలంగాణ ప్రభుత్వం అనే వెబ్సైట్లో తమ పేర్లు నమోదు చేసుకోవాలని సూచించారు. విద్యార్థులు 2017 సెప్టెంబర్ 1 నుంచి 2018 ఆగస్టు 31 తేదీ మధ్య జన్మించిన వారు అర్హులని పేర్కొన్నారు.