మునుగోడు జడ్పిటిసి నారబోయిన స్వరూప రవి…
నల్గొండ జిల్లా మునుగోడు మండల కేంద్రంలోని సెయింట్ జోసెఫ్ హైస్కూల్లో మునుగోడు జడ్పిటిసి నారబోయిన స్వరూపారాణి రవి ఆధ్వర్యంలో సంక్రాంతి ముగ్గుల పోటీలను నిర్వహించారు.
కార్యక్రమంలో ముఖ్య అతిథిగా మునుగోడు ఎమ్మెల్యే కోమటిరెడ్డి రాజగోపాల్ రెడ్డి లక్ష్మీ దంపతులు పాల్గొన్నారు. మహిళలు భారీ సంఖ్యలో పాల్గొని పోటీపడుతూ రంగుల హరివిల్లులతో సంక్రాంతి సాంస్కృతులను తెలియపరిచేలా ముగ్గులు వేశారు. ముగ్గులన్నింటినీ కోమటిరెడ్డి రాజగోపాల్ రెడ్డి దంపతులు వీక్షించి ప్రతి ఒక్క మహిళకు సంక్రాంతి శుభాకాంక్షలు తెలియజేశారు. తెలుగు సాంప్రదాయాలను సాంస్కృతులను తెలియజేయడమే సంక్రాంతి పండుగ ప్రత్యేకత అన్నారు కోమటిరెడ్డి రాజగోపాల్ రెడ్డి. రాజకీయాలకు అతీతంగా అందరు కలిసిమెలిసి పండుగలను జరుపుకోవాలని అన్నారు.. పట్టణాల కంటే పల్లెలోనే ప్రేమానురాగాలతో పండుగ జరుపుకుంటారన్నారు. రానున్న రోజుల్లో మరెన్నో కల్చరల్ ప్రోగ్రామ్స్ ఏర్పాటు చేస్తామన్నారు. పోటీలో గెలుపొందిన మహిళలకు బహుమతులు అందజేశారు కోమటిరెడ్డి రాజగోపాల్ రెడ్డి దంపతులు.
