కృతజ్ఞతలు తెలిపిన నిరు పేద యువతి తల్లి తండ్రి!!
ఎండపల్లి,(జగిత్యాల) నేటి ధాత్రి, జగిత్యాల జిల్లా,ధర్మపురి నియోజక వర్గం
ఎండపల్లి మండలం గుల్లకోట గ్రామానికి చెందిన ఓ నిరుపేద కుటుంబానికి చెందిన పొన్నం సత్తవ్వ మల్లేశం కుమార్తె రక్షిత పెండ్లి కోసం అలయన్స్ క్లబ్ ఆఫ్ ధర్మారం జోన్ చైర్మన్ తాళ్లపెల్లి సురేందర్ గౌడ్ ఆధ్వర్యంలో గౌరవ సభ్యులు సత్గురు ఎంటర్ప్రైజెస్ ధర్మారం బూమ సంపత్, గూడెపు సతీష్ 50 వేల రూపాయల విలువ గల పెండ్లి సామాన్లు పర్పులు, బీరువా, డ్రెస్సింగ్ టేబుల్, కూలర్, మరియు మిత్రుల సహకారంతో 3 వేల రూపాయలు నగదు అందజేశారు. గత కొన్ని సంవత్సరాల క్రితం తండ్రి పొన్నం మల్లేశం కాలుకు గాయం కావడంతో తీసివేయడం వల్ల ఏ పని చేయలేని పరిస్థితి. తల్లి పొన్నం సత్తవ్వ కూలి నాలి చేసుకుంటూ భర్తను, బిడ్డలను పోషిస్తూ జీవనం సాగిస్తున్నది. ఇలాంటి పరిస్థితికి చెందిన ఆడబిడ్డ రక్షిత పెళ్లికి కావలసిన ఏర్పాట్లు చేయలేని పెద్దరికాన్ని తెలుసుకొని పెద్ద మనసుతో ధర్మారం అలయన్స్ క్లబ్ ముందుకు వచ్చి ఆ కుటుంబానికి అండగా నిలిచారు. పలువురు గ్రామస్తులు చేసిన గొప్ప సహాయాన్ని గుర్తిస్తూ ప్రత్యేకంగా క్లబ్ సభ్యులకు, మిత్రులకు కృతజ్ఞతలు తెలుపుతూ అభినందించారు. ఈ కార్యక్రమంలో క్లబ్ జోన్ చైర్మన్ తాళ్లపెల్లి సురేందర్ గౌడ్, సెక్రెటరీ మామిడిశెట్టి శ్రీనివాస్, పిఆర్వో బైరి చంద్రమౌళి, ఉపాధ్యక్షులు తోడేటి మురళి గౌడ్, కందుల సతీష్ ,గౌరవ సభ్యులు బొల్లం మల్లేశం, భూమ సంపత్ ,గూడపు సతీష్ , ఎండి సాదిక్, గుల్లకోట సర్పంచ్ పొన్నం స్వరూప తిరుపతి గౌడ్,మిత్ర యూత్ ధర్మపురి సభ్యులు రాపర్తి సన్నీ,దోమకొండ శ్రీనివాస్, చిలివేరి కిరణ్, సంతోష్ , కొండపల్లి జితేందర్ రావు, కమలాపూర్ వాసులు, గ్రామస్తులు మరియు తదితరులు పాల్గొన్నారు.