నడికూడ,నేటిధాత్రి:
మండలంలోని చర్లపల్లి ప్రాథమిక పాఠశాలలో విద్యార్థుల తాగునీటి సౌకర్యార్థం ఆర్వో వాటర్ ను నిల్వ చేయడం కోసం లండన్ లో ఉంటున్న వరంగల్ జిల్లా కల్లెడ గ్రామానికి చెందిన తాళ్లపల్లి రాజు శ్రావ్య దంపతులు వారి అక్క కీర్తిశేషులు తాళ్ల పెళ్లి హైమా జ్ఞాపకార్థం సుమారు పదివేల విలువ గల 200 లీటర్ల సామర్థ్యం గల స్టైన్లెస్ స్టీల్ వాటర్ ట్యాంక్ ను చర్లపల్లి ప్రాథమిక పాఠశాలకు పి ఆర్ టి యు హనుమకొండ జిల్లా శాఖ అధ్యక్షులు మందల తిరుపతిరెడ్డి చేతులమీదుగా అందజేశారు.ఈ సందర్భంగా తిరుపతిరెడ్డి మాట్లాడుతూ ప్రభుత్వ పాఠశాలకు దాతలు ముందుకు రావాలని అన్నారు.పాఠశాల ప్రధానోపాధ్యాయులు మాట్లాడుతూ లండన్ లో ఉంటు ప్రభుత్వ పాఠశాలకు వాటర్ ట్యాంక్ అందజేసిన తాళ్లపల్లి రాజు శ్రావ్యా దంపతులకు కృతజ్ఞతలు తెలియజేశారు.ప్రధాన కార్యదర్శి ఫలిత శ్రీహరి మాట్లాడుతూ వీరిని ఆదర్శంగా తీసుకొని ఎన్నారైలు ప్రభుత్వ పాఠశాలకు,విద్యార్థులకు వారికి తోచిన విధంగా సహాయం చేయాలని అన్నారు.అనంతరం అధ్యక్ష ప్రధాన కార్యదర్శులు అచ్చ సుదర్శన్ కు పిఆర్టియు సభ్యత్వం ఇవ్వడం జరిగింది.ఈ కార్యక్రమంలో పాఠశాల ప్రధానోపాధ్యాయులు అచ్చ సుదర్శన్,హన్మకొండ జిల్లా అధ్యక్షులు మందల తిరుపతిరెడ్డి, ప్రధాన కార్యదర్శి ఫలిత శ్రీహరి, రాష్ట్ర అసోసియేషన్ అధ్యక్షులు గొట్టేముక్కుల శ్రీనివాస్ రెడ్డి,మండల శాఖ ప్రధాన కార్యదర్శి కటుకొజ్వాల సతీష్, పరకాల మాజీ మండల శాఖ అధ్యక్షులు మోడెం రాజేందర్ బాబు,అంగన్వాడీ టీచర్స్ బీముడి లక్ష్మీ,నందిపాటి సంధ్య,విద్యా వాలంటీర్లు బాబురావు
పరిషవెని జ్యోతి ఐఆర్పి రమేష్ పాల్గొన్నారు.
